अथ मेषे शशाङ्के सूर्यदृष्टिफलम्
उग्रस्वभावोऽपि मृदुर्नतानां धीरो धराधीश्वरगौरवाढ्यः । नरो भवेत्सङ्गरभीरुरेव मेषे शशाङ्के नलिनीशदृष्टे ॥ १ ॥
ugrasvabhāvo'pi mṛdurnatānāṃ dhīro dharādhīśvaragauravāḍhyaḥ | naro bhavetsaṅgarabhīrureva meṣe śaśāṅke nalinīśadṛṣṭe || 1 ||
⟨Now the result of the dṛṣṭi of the Sun on the Moon ⟨Śaśāṅka, 'hare-marked'⟩ in Aries.⟩ When the hare-marked one ⟨the Moon⟩ is in Aries ⟨Meṣa⟩ and is looked upon by the lord of the day-lotus ⟨the Sun⟩, the man, though fierce by nature, is gentle to those who bow to him, steadfast, rich in the esteem of the lord of the earth ⟨the king⟩, and yet afraid of battle. ॥1॥
मेषराशिगते चन्द्रे भौमदृष्टिफलम्
विषाग्निवातास्त्रभयं कदाचित्स्यान्मूत्रकृच्छ्रं महदाश्रयश्च । दन्ताक्षिपीडा निबिडा जडांशौ मेषस्थिते भूमिसुतेन दृष्टे ॥ २ ॥
viṣāgnivātāstrabhayaṃ kadācitsyānmūtrakṛcchraṃ mahadāśrayaśca | dantākṣipīḍā nibiḍā jaḍāṃśau meṣasthite bhūmisutena dṛṣṭe || 2 ||
⟨The result of the dṛṣṭi of Mars on the Moon placed in Aries.⟩ When the cold-rayed one ⟨the Moon⟩ stands in Aries and is looked upon by the earth's son ⟨Mars⟩, there is at times fear from poison, fire, wind and weapon; there is mūtrakṛcchra ⟨strangury⟩; there is a great protector; and there is close pain in the teeth and the eyes. ॥2॥
मेषराशिगते चन्द्रे बुधदृष्टिफलम्
विलसदमलकीर्तिः सर्वविद्याप्रवीणो द्रविणगुणगणाढ्यः संमतः सज्जनानाम् । भवति ननु मनुष्यो मेषराशौ शशांके शशधरसुतदृष्टे श्रेष्ठसंपत्प्रतिष्ठः ॥ ३ ॥
vilasadamalakīrtiḥ sarvavidyāpravīṇo draviṇaguṇagaṇāḍhyaḥ saṃmataḥ sajjanānām | bhavati nanu manuṣyo meṣarāśau śaśāṃke śaśadharasutadṛṣṭe śreṣṭhasaṃpatpratiṣṭhaḥ || 3 ||
⟨The result of the dṛṣṭi of Mercury on the Moon placed in Aries.⟩ When the hare-marked one ⟨the Moon⟩ is in the sign of Aries and is looked upon by the son of the hare-bearer ⟨Mercury, the Moon's son⟩, the man indeed has a shining, spotless fame, is accomplished in every branch of learning, rich in wealth and in a host of virtues, esteemed by good people, and established in the finest prosperity. ॥3॥
मेषराशिगते चंद्रे गुरुदृष्टि फलम्
नृपप्रधानः पृतनापतिर्वा कुलानुभावाद्वहुसम्पदाढ्यः । भवेन्नरः कैरविणीवनेशे मेषस्थिते गीष्पतिना प्रदृष्टे ॥ ४ ॥
nṛpapradhānaḥ pṛtanāpatirvā kulānubhāvādvahusampadāḍhyaḥ | bhavennaraḥ kairaviṇīvaneśe meṣasthite gīṣpatinā pradṛṣṭe || 4 ||
⟨The result of the dṛṣṭi of Jupiter on the Moon gone into Aries.⟩ When the lord of the grove of night-lotuses ⟨the Moon⟩ stands in Aries and is looked upon by the lord of speech ⟨Jupiter, Gīṣpati⟩, the man is a chief man of the king, or else a commander of armies, and is rich in much wealth through the standing of his family. ॥4॥
मेषराशिगते चंद्रे शुक्रदृष्टि फलम्
योषाविभूषाधनसूनुसौख्यो भोक्ता सुवक्ता परिमुक्तरोषः । स्यात्पूरुषो मेषगतेऽमृतांशौ निरीक्ष्यमाणे भृगुणा गुणज्ञः ॥ ५ ॥
yoṣāvibhūṣādhanasūnusaukhyo bhoktā suvaktā parimuktaroṣaḥ | syātpūruṣo meṣagate'mṛtāṃśau nirīkṣyamāṇe bhṛguṇā guṇajñaḥ || 5 ||
⟨The result of the dṛṣṭi of Venus on the Moon placed in Aries.⟩ When the nectar-rayed one ⟨the Moon⟩ has gone into Aries and is looked upon by Bhṛgu's son ⟨Venus⟩, the man has happiness from women, ornaments, wealth and sons, is an enjoyer, well-spoken, wholly freed from anger, and a knower of merit. ॥5॥
मेषराशिते चंद्रे शनिदृष्टि फलम्
गदयुतं हतचित्तसमुन्नतिं विगतवित्तमसत्यमसत्सुतम् । क्रियगतोऽर्कसुतेन निरीक्षितो हिमकरो हि नरं कुरुते खलम् ॥६॥
gadayutaṃ hatacittasamunnatiṃ vigatavittamasatyamasatsutam | kriyagato'rkasutena nirīkṣito himakaro hi naraṃ kurute khalam ||6||
⟨The result of the dṛṣṭi of Saturn on the Moon gone into Aries.⟩ The frost-rayed one ⟨the Moon⟩, gone into Kriya ⟨Aries⟩ and looked upon by the Sun's son ⟨Saturn⟩, indeed makes the man diseased, with the rising of his mind struck down, gone from wealth, untruthful, with bad sons, and base. ॥6॥
वृषराशिगते चन्द्रे रविदृष्टि फलम्
कृषिक्रियायां निरतो विधिज्ञः स्यान्मांत्रिको वाहनधान्ययुक्तः । नरो नितान्तं चतुरः स्वकार्ये दृष्टे दिनेशेन वृषे शशाङ्के ॥ ७ ॥
kṛṣikriyāyāṃ nirato vidhijñaḥ syānmāṃtriko vāhanadhānyayuktaḥ | naro nitāntaṃ caturaḥ svakārye dṛṣṭe dineśena vṛṣe śaśāṅke || 7 ||
⟨The result of the dṛṣṭi of the Sun on the Moon placed in Taurus.⟩ When the hare-marked one ⟨the Moon⟩ is in Taurus ⟨Vṛṣa⟩ and is looked upon by the lord of day ⟨the Sun⟩, the man is devoted to the work of tillage, a knower of the rules, a māntrika ⟨one versed in spells⟩, provided with vehicles and grain, and exceedingly clever in his own business. ॥7॥
वृषराशिगते चन्द्रे भौमदृष्टिफलम्
कामातुरश्चित्तहरोऽङ्गनानां स्यात्साधुमित्रः सुतरां पवित्रः । प्रसन्नमूर्तिश्च नरो वृषस्थे शीतद्युतौ भूमिसुतेन दृष्टे ॥ ८ ॥
kāmāturaścittaharo'ṅganānāṃ syātsādhumitraḥ sutarāṃ pavitraḥ | prasannamūrtiśca naro vṛṣasthe śītadyutau bhūmisutena dṛṣṭe || 8 ||
⟨The result of the dṛṣṭi of Mars on the Moon placed in Taurus.⟩ When the cool-lustred one ⟨the Moon⟩ stands in Taurus and is looked upon by the earth's son ⟨Mars⟩, the man is sick with desire, a stealer of women's hearts, a good friend, exceedingly pure, and of serene form. ॥8॥
वृषराशिगते चन्द्रे बुधदृष्टिफलम्
प्राज्ञं विधिज्ञं कृपया समेतं हर्षान्वितं भूतहिते रतं च । गुणाभिरामं मनुजं प्रकुर्याद्वृषे शशाङ्के शशिजेन दृष्टे ॥ ९ ॥
prājñaṃ vidhijñaṃ kṛpayā sametaṃ harṣānvitaṃ bhūtahite rataṃ ca | guṇābhirāmaṃ manujaṃ prakuryādvṛṣe śaśāṅke śaśijena dṛṣṭe || 9 ||
⟨The result of the dṛṣṭi of Mercury on the Moon placed in Taurus.⟩ When the hare-marked one ⟨the Moon⟩ is in Taurus and is looked upon by the Moon's son ⟨Mercury⟩, he makes the man wise, a knower of the rules, filled with compassion, joined with gladness, devoted to the welfare of living beings, and lovely in his virtues. ॥9॥
वृषराशिगते चन्द्रे गुरुदृष्टिफलम्
जायात्मजानन्दयुतं सुकीर्तिं धर्मक्रियायां निरतं च पित्रोः । भक्तौ प्रसक्तं मनुजं प्रकुर्याद्वृषस्थितेन्दुर्गुरुणा प्रदृष्टः ॥ १० ॥
jāyātmajānandayutaṃ sukīrtiṃ dharmakriyāyāṃ nirataṃ ca pitroḥ | bhaktau prasaktaṃ manujaṃ prakuryādvṛṣasthitendurguruṇā pradṛṣṭaḥ || 10 ||
⟨The result of the dṛṣṭi ⟨aspect⟩ of Jupiter on the Moon placed in Taurus.⟩ The Moon, standing in Taurus and looked upon by Jupiter, makes the man joined with the delight of wife and children, of good fame, devoted to works of dharma, and given to devotion towards his parents. ॥10॥
वृषराशिगते चन्द्र भृगुदृष्टिफलम्
भूषणाम्बरगृहासनशय्यागंधमाल्यचतुरंघ्रिसुखानि । आतनोति सततं मनुजानां चन्द्रमा वृषगतो भृगुदृष्टः ॥ ११ ॥
bhūṣaṇāmbaragṛhāsanaśayyāgaṃdhamālyacaturaṃghrisukhāni | ātanoti satataṃ manujānāṃ candramā vṛṣagato bhṛgudṛṣṭaḥ || 11 ||
⟨The result of the dṛṣṭi of Venus ⟨Bhṛgu⟩ on the Moon placed in Taurus.⟩ The Moon, gone into Taurus and looked upon by Bhṛgu's son ⟨Venus⟩, constantly spreads out for men the happinesses of ornaments, garments, house, seat and bed, of perfume and garlands, and of four-footed beasts ⟨caturaṅghri⟩. ॥11॥
वृषराशिगते चन्द्रे शनिदृष्टिफलम्
कलानिधिः पूर्वदले वृषस्य शनीक्षितश्चेन्निधनं जनन्याः । करोति सत्यं मुनिभिर्यदुक्तं तथा परार्धे खलु तातघातम् ॥ १२ ॥
kalānidhiḥ pūrvadale vṛṣasya śanīkṣitaścennidhanaṃ jananyāḥ | karoti satyaṃ munibhiryaduktaṃ tathā parārdhe khalu tātaghātam || 12 ||
⟨The result of the dṛṣṭi of Saturn on the Moon placed in Taurus.⟩ If the treasury of digits ⟨the Moon⟩ is in the first half of Taurus and is looked upon by Saturn, he brings about the death of the mother — what the sages have said is true — and in the latter half, surely the slaying of the father. ॥12॥
मिथुनराशिगते चन्द्रे रविदृष्टिफलम्
प्राज्ञं सुशीलं द्रविणेन हीनं क्लेशाभिभूतं सततं करोति । नरं च सर्वोत्सवदं प्रसूतौ द्वन्द्वे स्थितो भानुमता च दृष्टः ॥१३॥
prājñaṃ suśīlaṃ draviṇena hīnaṃ kleśābhibhūtaṃ satataṃ karoti | naraṃ ca sarvotsavadaṃ prasūtau dvandve sthito bhānumatā ca dṛṣṭaḥ ||13||
⟨The Moon⟩, standing in Gemini ⟨Dvandva, the pair⟩ and looked upon by the radiant one ⟨the Sun⟩, makes the man at his birth wise, of good character, bereft of wealth, constantly overcome by trouble, and a giver of every festivity. ॥13॥
मिथुनराशिगते चन्द्रे भौमदृष्टिफलम्
उदारदारं चतुरं च शूरं प्राज्ञं च सुज्ञं धनवाहनाद्यैः । युक्तं प्रकुर्यान्मिथुनस्थितेन्दुर्निरीक्षितो जन्मनि भूसुतेन ॥ १४ ॥
udāradāraṃ caturaṃ ca śūraṃ prājñaṃ ca sujñaṃ dhanavāhanādyaiḥ | yuktaṃ prakuryānmithunasthitendurnirīkṣito janmani bhūsutena || 14 ||
⟨The result of the dṛṣṭi of Mars on the Moon placed in Gemini.⟩ The Moon, standing in Gemini ⟨Mithuna⟩ and looked upon at birth by the earth's son ⟨Mars⟩, makes ⟨the man⟩ possessed of a noble wife, clever, brave, wise, well-knowing, and endowed with wealth, vehicles and the rest. ॥14॥
मिथुनराशिगते चन्द्रे बुधदृष्टिफलम्
धीरं सदाचारमुदारसारं नरं नरेन्द्राप्तधनं करोति । निशाधिनाथो मिथुनाधिसंस्थो निशीथिनीनाथसुतेन दृष्टः ॥ १५ ॥
dhīraṃ sadācāramudārasāraṃ naraṃ narendrāptadhanaṃ karoti | niśādhinātho mithunādhisaṃstho niśīthinīnāthasutena dṛṣṭaḥ || 15 ||
⟨The result of the dṛṣṭi of Mercury on the Moon placed in Gemini.⟩ The lord of night ⟨the Moon⟩, well placed in Gemini ⟨Mithuna⟩ and looked upon by the son of the lady of night ⟨Mercury⟩, makes the man steadfast, of good conduct, of noble worth, and one who gains wealth from the lord of men ⟨the king⟩. ॥15॥
मिथुनराशिगते चन्द्रे गुरुदृष्टिफलम्
विद्याविवेकन्वितमर्थवन्तं ख्यातं विनीतं सुतरां सुपुण्यम् । करोति मर्त्यं मिथुनाधिसंस्थो निशीथिनीशो गुरुणा प्रदृष्टः ॥१६॥
vidyāvivekanvitamarthavantaṃ khyātaṃ vinītaṃ sutarāṃ supuṇyam | karoti martyaṃ mithunādhisaṃstho niśīthinīśo guruṇā pradṛṣṭaḥ ||16||
⟨The result of the dṛṣṭi of Jupiter on the Moon placed in Gemini.⟩ The lord of night ⟨the Moon⟩, well placed in Gemini and looked upon by Jupiter, makes the mortal endowed with learning and discernment, wealthy, renowned, well-behaved, and exceedingly meritorious. ॥16॥
मिथुनराशिगते चन्द्रे भृगुदृष्टिफलम्
वस्त्रप्रसूनान्नवराङ्गनाभ्यः सद्वाहनेभ्यश्च विभूषणेभ्यः । करोति सौख्यं हि सुधामयूखो द्वन्द्वस्थितो जन्मनि शुक्रदृष्टः ॥ १७ ॥
vastraprasūnānnavarāṅganābhyaḥ sadvāhanebhyaśca vibhūṣaṇebhyaḥ | karoti saukhyaṃ hi sudhāmayūkho dvandvasthito janmani śukradṛṣṭaḥ || 17 ||
⟨The result of the dṛṣṭi of Venus ⟨Bhṛgu⟩ on the Moon placed in Gemini.⟩ The nectar-rayed one ⟨the Moon⟩, standing at birth in Gemini ⟨Dvandva⟩ and looked upon by Venus, indeed brings happiness from garments, flowers, food, fine women, good vehicles and ornaments. ॥17॥
मिथुनराशिगते चन्द्रे शनिदृष्टिफलम्
धनाङ्गनावाहननन्दनाद्यैर्विश्लेषमायाति विगर्हितत्वम् । नरो हि नीहारकरे नृयुग्मे निरीक्षिते भानुसुतेन सूतौ ॥ १८ ॥
dhanāṅganāvāhananandanādyairviśleṣamāyāti vigarhitatvam | naro hi nīhārakare nṛyugme nirīkṣite bhānusutena sūtau || 18 ||
⟨The result of the dṛṣṭi of Saturn on the Moon placed in Gemini.⟩ When at birth the frost-rayed one ⟨the Moon⟩ is in Gemini ⟨Nṛyugma, the pair of men⟩ and is looked upon by the Sun's son ⟨Saturn⟩, the man indeed comes to separation from wealth, wife, vehicles, children and the rest, and to contempt. ॥18॥
कर्कराशिगते चन्द्रे रविदृष्टिफलम्
निरर्थकक्लेशकरं विकीर्णैर्नृपाश्रयं दुर्गकृताधिकारम् । कुर्यात्कलावान्परिसूतिकाले कुलीरसंस्थो नलिनीशदृष्टः ॥ १९ ॥
nirarthakakleśakaraṃ vikīrṇairnṛpāśrayaṃ durgakṛtādhikāram | kuryātkalāvānparisūtikāle kulīrasaṃstho nalinīśadṛṣṭaḥ || 19 ||
⟨The result of the dṛṣṭi of the Sun on the Moon placed in Cancer.⟩ The one rich in digits ⟨the Moon⟩, standing in Cancer ⟨Kulīra⟩ and looked upon by the lord of the day-lotus ⟨the Sun⟩, makes ⟨the man⟩ at the time of birth a doer of fruitless toil among scattered folk, one who has the king's shelter, and one who holds authority over a fort. ॥19॥
कर्कराशिगते चन्द्रे भौमदृष्टिफलम्
दक्षं च शूरं जननीविरुद्धं क्षीणाङ्गयष्टिं मनुजं करोति । कुलीरसंस्थः परिसूतिकाले दृष्टः कलावान्किल मङ्गलेन ॥ २० ॥
dakṣaṃ ca śūraṃ jananīviruddhaṃ kṣīṇāṅgayaṣṭiṃ manujaṃ karoti | kulīrasaṃsthaḥ parisūtikāle dṛṣṭaḥ kalāvānkila maṅgalena || 20 ||
⟨The result of the dṛṣṭi of Mars on the Moon placed in Cancer.⟩ The one rich in digits ⟨the Moon⟩, standing in Cancer ⟨Kulīra⟩ at the time of birth and looked upon by Maṅgala ⟨Mars⟩, indeed makes the man skilful, brave, at odds with his mother, and wasted in the frame of his body. ॥20॥
कर्कराशिगते चन्द्रे बुधदृष्टिफलम्
दारार्थपुत्रोन्नतिनीतिसौख्यं सेनापतिं वा सचिवं मनुष्यम् । कर्काधिसंस्थे कुरुते हिमांशौ हिमांशुपुत्रेण निरीक्ष्यमाणे ॥ २१ ॥
dārārthaputronnatinītisaukhyaṃ senāpatiṃ vā sacivaṃ manuṣyam | karkādhisaṃsthe kurute himāṃśau himāṃśuputreṇa nirīkṣyamāṇe || 21 ||
⟨The result of the dṛṣṭi of Mercury on the Moon placed in Cancer.⟩ When the frost-rayed one ⟨the Moon⟩ is well placed in Cancer ⟨Karka⟩ and is looked upon by the frost-rayed one's son ⟨Mercury⟩, ⟨he⟩ makes the man one who has the advancement of wife, wealth and children, with statecraft and happiness, or else a commander of armies or a minister. ॥21॥
कर्कराशिगते चन्द्रे गुरुदृष्टिफलम्
नृपाधिकारं गुणिनं नयज्ञं सुखान्वितं चारुपराक्रमं च । करोति जातं यदि कर्कवर्ती पीयूषमूर्तिर्गुरुणेक्ष्यमाणः ॥ २२ ॥
nṛpādhikāraṃ guṇinaṃ nayajñaṃ sukhānvitaṃ cāruparākramaṃ ca | karoti jātaṃ yadi karkavartī pīyūṣamūrtirguruṇekṣyamāṇaḥ || 22 ||
⟨The result of the dṛṣṭi of Jupiter on the Moon placed in Cancer.⟩ If the nectar-formed one ⟨the Moon⟩ dwells in Cancer and is looked upon by Jupiter, he makes the one born hold office under the king, virtuous, a knower of policy, endowed with happiness, and of fair prowess. ॥22॥
कर्कराशिगते चन्द्रे भृगुदृष्टिफलम्
सद्रत्नचामीकररत्नभूषावराङ्गनासौख्ययुतं नितान्तम् । नरं निजागारगतः करोति सुधाकरः शुक्रनिरीक्ष्यमाणः ॥२३॥
sadratnacāmīkararatnabhūṣāvarāṅganāsaukhyayutaṃ nitāntam | naraṃ nijāgāragataḥ karoti sudhākaraḥ śukranirīkṣyamāṇaḥ ||23||
⟨The result of the dṛṣṭi of Venus ⟨Bhṛgu⟩ on the Moon placed in Cancer.⟩ The nectar-maker ⟨the Moon⟩, gone to his own house and looked upon by Venus, makes the man exceedingly endowed with fine gems, gold, jewelled ornaments and the happiness of fine women. ॥23॥
कर्कराशिगते चन्द्रे शनिदृष्टिफलम्
सत्येन हीनं जननीविरुद्धं सदाटनं पापरतं गतार्थम् । करोति जातं निजगेहगामी चेद्यामिनीशो रविजेन दृष्टः ॥ २४ ॥
satyena hīnaṃ jananīviruddhaṃ sadāṭanaṃ pāparataṃ gatārtham | karoti jātaṃ nijagehagāmī cedyāminīśo ravijena dṛṣṭaḥ || 24 ||
⟨The result of the dṛṣṭi of Saturn on the Moon placed in Cancer.⟩ If the lord of night ⟨the Moon⟩ goes to his own house and is looked upon by the Sun's son ⟨Saturn⟩, he makes the one born bereft of truth, at odds with his mother, always wandering, given to sin, and without wealth. ॥24॥
सिंहराशिगते चन्द्रे रविदृष्टिफलम्
गुणयुतं सततं नृपतिप्रियं वरपदं च विलम्बितसन्ततिम् । हरिगतो वितनोति निशाकरः खरकरप्रविलोकनसंयुतः ॥२५॥
guṇayutaṃ satataṃ nṛpatipriyaṃ varapadaṃ ca vilambitasantatim | harigato vitanoti niśākaraḥ kharakarapravilokanasaṃyutaḥ ||25||
⟨The result of the dṛṣṭi of the Sun on the Moon placed in Leo.⟩ The night-maker ⟨the Moon⟩, gone into Leo ⟨Hari⟩ and joined with the gaze of the sharp-rayed one ⟨the Sun⟩, spreads out ⟨for the man⟩ constant endowment with virtues, the affection of the king, a fine station, and offspring that comes late. ॥25॥
सिंहराशिगते चन्द्रे भौमदृष्टिफलम्
नरपतेः सचिवो धनवाहनात्मजकलत्रसुखो हि भवेन्नरः । हरिणलक्ष्मणि केसरिणि स्थिते क्षितिसुतेन ननु प्रविलोकिते ॥ २६ ॥
narapateḥ sacivo dhanavāhanātmajakalatrasukho hi bhavennaraḥ | hariṇalakṣmaṇi kesariṇi sthite kṣitisutena nanu pravilokite || 26 ||
⟨The result of the dṛṣṭi of Mars on the Moon placed in Leo.⟩ When the deer-marked one ⟨the Moon⟩ is placed in Leo ⟨Kesarin, the maned one⟩ and is indeed looked upon by the earth's son ⟨Mars⟩, the man becomes a minister of the lord of men, and has the happiness of wealth, vehicles, children and wife. ॥26॥
सिंहराशिगते चन्द्रे बुधदृष्टिफलम्
धनाङ्गनावाहननन्दनेभ्यः सुखप्रपूरं हि नरं करोति । द्विजाधिराजो मृगराजसंस्थो द्विजाधिराजात्मजसंप्रदृष्टः ॥ २७ ॥
dhanāṅganāvāhananandanebhyaḥ sukhaprapūraṃ hi naraṃ karoti | dvijādhirājo mṛgarājasaṃstho dvijādhirājātmajasaṃpradṛṣṭaḥ || 27 ||
⟨The result of the dṛṣṭi of Mercury on the Moon placed in Leo.⟩ The overlord of the twice-born ⟨the Moon⟩, standing in Leo ⟨Mṛgarāja⟩ and well looked upon by the son of the overlord of the twice-born ⟨Mercury⟩, indeed makes the man brim over with happiness from wealth, women, vehicles and children. ॥27॥
सिंहराशिगते चन्द्रे गुरुदृष्टिफलम्
बहुश्रुतं विस्तृतसाधुवृत्तं कुर्यान्नरं भूमिपतेः प्रधानम् । चन्द्रो मृगेन्द्रोपगतोऽमरेन्द्रोपाध्यायदृष्टिः परिसूतिकाले ॥ २८ ॥
bahuśrutaṃ vistṛtasādhuvṛttaṃ kuryānnaraṃ bhūmipateḥ pradhānam | candro mṛgendropagato'marendropādhyāyadṛṣṭiḥ parisūtikāle || 28 ||
⟨The result of the dṛṣṭi of Jupiter on the Moon placed in Leo.⟩ The Moon, gone into Leo ⟨Mṛgendra⟩ and under the gaze of the teacher of the lord of the immortals ⟨Jupiter⟩, makes the man at the time of his birth one who has heard much, of widely known good conduct, and a chief man of the lord of the earth ⟨the king⟩. ॥28॥
सिंहराशिगते चन्द्रे भृगुदृष्टिफलम्
स्त्रीवैभवं वै गुणिनं गुणज्ञं प्राज्ञं विधिज्ञं कुरुते मनुष्यम् । पीयूषरश्मिर्जनने यदि स्यात्पञ्चाननस्थो भृगुसूनुदृष्टः ॥ २९ ॥
strīvaibhavaṃ vai guṇinaṃ guṇajñaṃ prājñaṃ vidhijñaṃ kurute manuṣyam | pīyūṣaraśmirjanane yadi syātpañcānanastho bhṛgusūnudṛṣṭaḥ || 29 ||
⟨The result of the dṛṣṭi of Venus ⟨Bhṛgu⟩ on the Moon placed in Leo.⟩ If at birth the nectar-rayed one ⟨the Moon⟩ stands in Leo ⟨Pañcānana, the five-faced one⟩ and is looked upon by the son of Bhṛgu ⟨Venus⟩, he makes the man one whose grandeur comes through women, virtuous, a knower of merit, wise, and a knower of the rules. ॥29॥
सिंहराशिगते चन्द्रे शनिदृष्टिफलम्
कान्तावियुक्तः कृषिकर्मदक्षो दुर्गाधिकारी हि नरोऽल्पकार्यः । सिंहोपयाते सति शीतभानौ निरीक्षिते सूर्यसुतेन सूतौ ॥ ३० ॥
kāntāviyuktaḥ kṛṣikarmadakṣo durgādhikārī hi naro'lpakāryaḥ | siṃhopayāte sati śītabhānau nirīkṣite sūryasutena sūtau || 30 ||
⟨The result of the dṛṣṭi of Saturn on the Moon placed in Leo.⟩ When at birth the cool-lustred one ⟨the Moon⟩ has gone into Leo and is looked upon by the Sun's son ⟨Saturn⟩, the man is parted from his wife, skilful in the work of tillage, an officer over a fort, and of small business. ॥30॥
कन्याराशिगते चन्द्रे रविदृष्टिफलम्
भूमीशकोशाधिकृतं सुवृत्तं भार्यावियुक्तं गुरुभक्तियुक्तम् । जातं च कन्याश्रितशीतरश्मिस्तनोति जन्तुं खररश्मिदृष्टः ॥ ३१ ॥
bhūmīśakośādhikṛtaṃ suvṛttaṃ bhāryāviyuktaṃ gurubhaktiyuktam | jātaṃ ca kanyāśritaśītaraśmistanoti jantuṃ khararaśmidṛṣṭaḥ || 31 ||
⟨The result of the dṛṣṭi of the Sun on the Moon placed in Virgo.⟩ The cool-rayed one ⟨the Moon⟩, seated in Virgo ⟨Kanyā⟩ and looked upon by the sharp-rayed one ⟨the Sun⟩, makes the creature born an officer over the treasury of the lord of the earth ⟨the king⟩, of good conduct, parted from his wife, and joined with devotion to his elders. ॥31॥
कन्याराशिगते चन्द्रे भौमदृष्टिफलम्
हिंसापरं शूरतरं सकोपं नृपाश्रितं लब्धजयं रणादौ । कुमारिकासंश्रितशीतभानुर्भूसूनुदृष्टो मनुजं करोति ॥ ३२ ॥
hiṃsāparaṃ śūrataraṃ sakopaṃ nṛpāśritaṃ labdhajayaṃ raṇādau | kumārikāsaṃśritaśītabhānurbhūsūnudṛṣṭo manujaṃ karoti || 32 ||
⟨The result of the dṛṣṭi of Mars on the Moon placed in Virgo.⟩ The cool-lustred one ⟨the Moon⟩, taking his seat in Virgo ⟨Kumārikā, the maiden⟩ and looked upon by the earth's son ⟨Mars⟩, makes the man bent on violence, very brave, wrathful, dependent on the king, and a winner of victory in battle and the like. ॥32॥
कन्याराशिगते चन्द्रे बुधदृष्टिफलम्
ज्योतिर्विद्याकाव्यसंगीतविद्यं प्राज्ञं युद्धे लब्धकीर्तिं विनीतम् । कुर्यान्नूनं मानवं मानवन्तं कन्यास्थोऽब्जश्चेन्दुजेन प्रदृष्टः ॥ ३३ ॥
jyotirvidyākāvyasaṃgītavidyaṃ prājñaṃ yuddhe labdhakīrtiṃ vinītam | kuryānnūnaṃ mānavaṃ mānavantaṃ kanyāstho'bjaścendujena pradṛṣṭaḥ || 33 ||
⟨The result of the dṛṣṭi of Mercury on the Moon placed in Virgo.⟩ If the water-born one ⟨the Moon⟩ stands in Virgo ⟨Kanyā⟩ and is looked upon by the Moon's son ⟨Mercury⟩, he surely makes the man learned in jyotiḥ-vidyā ⟨the science of the heavenly lights⟩, in poetry and in music, wise, a winner of fame in war, well-behaved, and full of honour. ॥33॥
कन्याराशिगते चन्द्रे गुरुदृष्टिफलम्
भूरिबन्धुमवनीपतिप्रियं चारुवृत्तशुभकीर्तिसंयुतम् । मानवं हि कुरुतेऽङ्गनाश्रितश्चन्द्रमाः सुरपुरोहितेक्षितः ॥ ३४ ॥
bhūribandhumavanīpatipriyaṃ cāruvṛttaśubhakīrtisaṃyutam | mānavaṃ hi kurute'ṅganāśritaścandramāḥ surapurohitekṣitaḥ || 34 ||
⟨The result of the dṛṣṭi of Jupiter on the Moon placed in Virgo.⟩ The Moon, seated in Virgo ⟨Aṅganā, the woman⟩ and looked upon by the priest of the gods ⟨Jupiter⟩, indeed makes the man rich in kinsfolk, dear to the lord of the earth ⟨the king⟩, and joined with fair conduct and auspicious fame. ॥34॥
कन्याराशिगते चन्द्रे भृगुदृष्टिफलम्
विलासिनीकेलिविलासचित्तं कान्ताश्रितं भूपतिलब्धवित्तम् । कुर्यान्नरं शीतकरः कुमार्यां स्थितः सितेन प्रविलोकितश्च ॥ ३५ ॥
vilāsinīkelivilāsacittaṃ kāntāśritaṃ bhūpatilabdhavittam | kuryānnaraṃ śītakaraḥ kumāryāṃ sthitaḥ sitena pravilokitaśca || 35 ||
⟨The result of the dṛṣṭi of Venus ⟨Bhṛgu⟩ on the Moon placed in Virgo.⟩ The cool-rayed one ⟨the Moon⟩, standing in Virgo ⟨Kumārī, the maiden⟩ and looked upon by Venus ⟨Sita⟩, makes the man have his heart in the sport and play of pleasure-women, dependent on his wife, and possessed of wealth got from the king. ॥35॥
कन्याराशिगते चन्द्रे शनिदृष्टिफलम्
निष्किञ्चनं हीनमतिं नितान्तं स्त्रीसंश्रयादाप्तधनं जनन्या । हीनं प्रकुर्यात्खलु कन्यकायां गतो मृगाङ्कोऽर्कसुतेन दृष्टः ॥ ३६ ॥
niṣkiñcanaṃ hīnamatiṃ nitāntaṃ strīsaṃśrayādāptadhanaṃ jananyā | hīnaṃ prakuryātkhalu kanyakāyāṃ gato mṛgāṅko'rkasutena dṛṣṭaḥ || 36 ||
⟨The result of the dṛṣṭi of Saturn on the Moon placed in Virgo.⟩ The deer-marked one ⟨the Moon⟩, gone into Virgo ⟨Kanyakā⟩ and looked upon by the Sun's son ⟨Saturn⟩, surely makes the man destitute, exceedingly poor in understanding, one who gets his wealth through the support of a woman, and bereft of his mother. ॥36॥
तुलाराशिगते चन्द्रे रविदृष्टिफलम्
सदाटनः सौख्यधनैर्विहीनः सदङ्गनासूनुजनैर्विहीनः । मित्रैरमित्रैश्च नरोऽतितप्तस्तुलाधरे शीतकरेऽर्कदृष्टे ॥ ३७ ॥
sadāṭanaḥ saukhyadhanairvihīnaḥ sadaṅganāsūnujanairvihīnaḥ | mitrairamitraiśca naro'titaptastulādhare śītakare'rkadṛṣṭe || 37 ||
⟨The result of the dṛṣṭi of the Sun on the Moon placed in Libra.⟩ When the cool-rayed one ⟨the Moon⟩ is in Libra ⟨Tulādhara, the scale-bearer⟩ and is looked upon by the Sun, the man is always wandering, bereft of happiness and wealth, bereft of good women, of sons and of people, and greatly scorched by friends and foes alike. ॥37॥
तुलाराशिगते चन्द्रे भौमदृष्टिफलम्
बुद्ध्या परार्थाकरणैकचित्तं मायासमेतं विषयाभितप्तम् । करोति जातं हि तुलागतेन्दुर्निरीक्ष्यमाणो धरणीसुतेन ॥ ३८ ॥
buddhyā parārthākaraṇaikacittaṃ māyāsametaṃ viṣayābhitaptam | karoti jātaṃ hi tulāgatendurnirīkṣyamāṇo dharaṇīsutena || 38 ||
⟨The result of the dṛṣṭi of Mars on the Moon placed in Libra.⟩ The Moon, gone into Libra ⟨Tulā⟩ and looked upon by the earth's son ⟨Mars⟩, indeed makes the one born set his intelligence and his whole mind upon not doing another's business, joined with deceit, and scorched by the objects of sense. ॥38॥
तुलाराशिगते चन्द्रे बुधदृष्टिफलम्
कलाविधिज्ञं धनधान्ययुक्तं वक्तृत्वविद्याविभवैः समेतम् । कुर्य्यान्नरं शीतकरस्तुलास्थः प्रसूतिकाले शशिजेन दृष्टः ॥ ३९ ॥
kalāvidhijñaṃ dhanadhānyayuktaṃ vaktṛtvavidyāvibhavaiḥ sametam | kuryyānnaraṃ śītakarastulāsthaḥ prasūtikāle śaśijena dṛṣṭaḥ || 39 ||
⟨The result of the dṛṣṭi of Mercury on the Moon placed in Libra.⟩ The cool-rayed one ⟨the Moon⟩, standing in Libra ⟨Tulā⟩ and looked upon at the time of birth by the Moon's son ⟨Mercury⟩, makes the man a knower of the rules of the kalās ⟨the arts⟩, endowed with wealth and grain, and possessed of eloquence, learning and grandeur. ॥39॥
तुलाराशिगते चन्द्रे गुरुदृष्टिफलम्
विचक्षणो वस्त्रविभूषणानां क्रयेऽथवा विक्रयताविधाने । तुलाधरे शीतकरो नरः स्याद् दृष्टः शुनासीरपुरोहितेन ॥ ४० ॥
vicakṣaṇo vastravibhūṣaṇānāṃ kraye'thavā vikrayatāvidhāne | tulādhare śītakaro naraḥ syād dṛṣṭaḥ śunāsīrapurohitena || 40 ||
⟨The result of the dṛṣṭi ⟨aspect⟩ of Jupiter on the Moon placed in Libra.⟩ When the cool-rayed one ⟨the Moon⟩ is in Libra ⟨Tulādhara⟩ and is looked upon by the priest of Śunāsīra ⟨Indra — that is, Jupiter⟩, the man is shrewd in the buying of garments and ornaments, or in the manner of selling them. ॥40॥
तुलाराशिगते चन्द्रे भृगुदृष्टिफलम्
प्राज्ञस्त्वनेकोद्यमसाधितार्थः स्यात्पार्थिवानां कृपया समेतः । हृष्टो नरः पीनकलेवरश्च जूके मृगाङ्के भृगुजेन दृष्टे ॥ ४१ ॥
prājñastvanekodyamasādhitārthaḥ syātpārthivānāṃ kṛpayā sametaḥ | hṛṣṭo naraḥ pīnakalevaraśca jūke mṛgāṅke bhṛgujena dṛṣṭe || 41 ||
⟨The result of the dṛṣṭi of Venus ⟨Bhṛgu⟩ on the Moon placed in Libra.⟩ When the deer-marked one ⟨the Moon⟩ is in Jūka ⟨Libra⟩ and is looked upon by Bhṛgu's son ⟨Venus⟩, the man is wise, one who has won his ends by many efforts, endowed with the favour of princes, glad, and of stout body. ॥41॥
तुलाराशिगते चन्द्रे शनिदृष्टिफलम्
धनैश्च धान्यैर्वरवाहनैश्च युतोऽपि हीनो विषयोपभोगैः । भवेन्नरस्तौलिनि जन्मकाले कलानिधौ भानुतनूजदृष्टे ॥ ४२ ॥
dhanaiśca dhānyairvaravāhanaiśca yuto'pi hīno viṣayopabhogaiḥ | bhavennarastaulini janmakāle kalānidhau bhānutanūjadṛṣṭe || 42 ||
⟨The result of the dṛṣṭi of Saturn on the Moon placed in Libra.⟩ When at the time of birth the treasury of digits ⟨the Moon⟩ is in Libra ⟨Taulin, the balance⟩ and is looked upon by the Sun's son ⟨Saturn⟩, the man, though endowed with wealth, with grain and with fine vehicles, is bereft of the enjoyment of the objects of sense. ॥42॥
वृश्चिकराशिगते चन्द्रे रविदृष्टिफलम्
सद्वृत्तिहीनं धनिनं जनानामसह्यमत्यन्तकृतप्रयासम् । सेनानिवासं मनुजं प्रकुर्य्यात्ताराधिपः कौर्प्यगतोऽर्कदृष्टः ॥ ४३ ॥
sadvṛttihīnaṃ dhaninaṃ janānāmasahyamatyantakṛtaprayāsam | senānivāsaṃ manujaṃ prakuryyāttārādhipaḥ kaurpyagato'rkadṛṣṭaḥ || 43 ||
⟨The result of the dṛṣṭi of the Sun on the Moon placed in Scorpio.⟩ The lord of the stars ⟨the Moon⟩, gone into Kaurpya ⟨Scorpio⟩ and looked upon by the Sun, makes the man bereft of an honest livelihood, rich, insufferable to people, one who makes exceeding efforts, and a dweller in army camps. ॥43॥
वृश्चिकराशिगते चन्द्रे भौमदृष्टिफलम्
रणाङ्गनावासयशोविशेषो गम्भीरतागौरवसंयुतश्च । भूपानुकम्पासमुपात्तवित्तो नरोऽलिनीन्दौ क्षितिजेन दृष्टे ॥ ४४ ॥
raṇāṅganāvāsayaśoviśeṣo gambhīratāgauravasaṃyutaśca | bhūpānukampāsamupāttavitto naro'linīndau kṣitijena dṛṣṭe || 44 ||
⟨The result of the dṛṣṭi of Mars on the Moon placed in Scorpio.⟩ When the Moon is in Scorpio ⟨Ali, the scorpion⟩ and is looked upon by the earth-born one ⟨Mars⟩, the man has particular fame from dwelling on the field of battle, is joined with depth and dignity, and gets his wealth by the king's favour. ॥44॥
वृश्चिकराशिगते चन्द्रे बुधदृष्टिफलम्
वाग्विलासकुशली रणशीलो गीतनृत्यनिरतश्च नितान्तम् । कूटकर्मणि नरो निपुणः स्याद्वृश्चिके शशिनि चन्द्रजदृष्टे ॥ ४५ ॥
vāgvilāsakuśalī raṇaśīlo gītanṛtyanirataśca nitāntam | kūṭakarmaṇi naro nipuṇaḥ syādvṛścike śaśini candrajadṛṣṭe || 45 ||
⟨The result of the dṛṣṭi of Mercury on the Moon placed in Scorpio.⟩ When the Moon is in Scorpio ⟨Vṛścika⟩ and is looked upon by the Moon's son ⟨Mercury⟩, the man is skilled in the play of speech, of a warlike disposition, exceedingly devoted to song and dance, and adept in kūṭa-karman ⟨the work of forgery⟩. ॥45॥
वृश्चिकराशिगते चन्द्रे गुरुदृष्टिफलम्
लोकानुरूपः सुतरां सुरूपः सत्कर्मकृद्वित्तविभूषणाढ्यः । स्यान्मानवो जन्मनि शीतरश्मौ संस्थेऽलिनीज्येन निरीक्ष्यमाणे ॥ ४६ ॥
lokānurūpaḥ sutarāṃ surūpaḥ satkarmakṛdvittavibhūṣaṇāḍhyaḥ | syānmānavo janmani śītaraśmau saṃsthe'linījyena nirīkṣyamāṇe || 46 ||
⟨The result of the dṛṣṭi of Jupiter on the Moon placed in Scorpio.⟩ When at birth the cool-rayed one ⟨the Moon⟩ stands in Scorpio ⟨Ali⟩ and is looked upon by the worshipful one ⟨Jupiter, Ijya⟩, the man conforms to the world, is exceedingly handsome, a doer of good deeds, and rich in wealth and ornaments. ॥46॥
1 note on this verse
- About this edition: THE NUMBER IS THE PRESS'S; ITS FENCING IS OURS. The page sets the digits ४६ here but not between a pair of daṇḍas — a bare numeral ending the line. It sits between ॥४५॥ and ॥४७॥ — and its absence is what made 25.47 look like a jump of two, which is why that numeral was sent to a magnified reader for nothing. ⚠ THE ANCHOR STARTS AT `लि`, NOT `अलि`: the page sets `संस्थेळलिनीज्येन` — sandhi has swallowed the initial `अ` into an avagraha, so an anchor written from the dictionary form matches nothing. The self-report caught it. Our mūla normalises the ending to `॥ ४६ ॥`, which is how this book’s other records close, and `printedNumber` is the press's own numeral. The rule and its evidence are one row of NUMERAL_RECOVERIES in scripts/corpus/collate-jatakabharana.mjs, keyed by the words `लिनीज्येननिरीक्ष्यमाणे` and not by this record's id.
वृश्चिकराशिगते चन्द्रे भृगुदृष्टिफलम्
प्रसन्नमूर्तिः समुदारकीर्तिः कूटक्रियाज्ञो धनवाहनाढ्यः । कान्ताहतार्थः पुरुषोऽलियाते शीतद्युतौ दैत्यगुरुप्रदृष्टे ॥ ४७ ॥
prasannamūrtiḥ samudārakīrtiḥ kūṭakriyājño dhanavāhanāḍhyaḥ | kāntāhatārthaḥ puruṣo'liyāte śītadyutau daityagurupradṛṣṭe || 47 ||
⟨The result of the dṛṣṭi of Venus ⟨Bhṛgu⟩ on the Moon placed in Scorpio.⟩ When the cool-lustred one ⟨the Moon⟩ has gone into Scorpio ⟨Ali⟩ and is looked upon by the preceptor of the daityas ⟨Venus⟩, the man is of serene form, of very noble fame, knowing in the arts of forgery ⟨kūṭa⟩, rich in wealth and vehicles, and has his wealth destroyed by his wife. ॥47॥
वृश्चिकराशिगते चन्द्रे शनिदृष्टिफलम्
स्थानभ्रंशं दैन्यनाशाल्पवित्तं नीचापत्यासत्त्वयक्ष्मप्रकोपम् । कुर्याच्चन्द्रः सूतिकालेऽलिसंस्थश्छायापुत्रप्रेक्षणत्वं प्रयातः ॥ ४८ ॥
sthānabhraṃśaṃ dainyanāśālpavittaṃ nīcāpatyāsattvayakṣmaprakopam | kuryāccandraḥ sūtikāle'lisaṃsthaśchāyāputraprekṣaṇatvaṃ prayātaḥ || 48 ||
⟨The result of the dṛṣṭi of Saturn on the Moon placed in Scorpio.⟩ The Moon, standing in Scorpio ⟨Ali⟩ at the time of birth and come under the gaze of the son of Chāyā ⟨Saturn⟩, brings loss of station, wretchedness, ruin, scant wealth, base offspring, want of courage, and an outbreak of yakṣman ⟨consumption⟩. ॥48॥
धनराशिगते चन्द्रे रविदृष्टिफलम्
प्रौढप्रतापोत्तमकीर्तिसम्पत्सद्वाहनान्याहवजं जयं च । नृपप्रसादं कुरुते नराणां ताराधिपश्चापगतोऽर्कदृष्टः ॥ ४९ ॥
prauḍhapratāpottamakīrtisampatsadvāhanānyāhavajaṃ jayaṃ ca | nṛpaprasādaṃ kurute narāṇāṃ tārādhipaścāpagato'rkadṛṣṭaḥ || 49 ||
⟨The result of the dṛṣṭi of the Sun on the Moon placed in Sagittarius.⟩ The lord of the stars ⟨the Moon⟩, gone into Sagittarius ⟨Cāpa, the bow⟩ and looked upon by the Sun, gives men mature majesty, the wealth of the highest fame, fine vehicles, victory born of battle, and the king's favour. ॥49॥
धनराशिगते चन्द्रे भौमदृष्टिफलम्
सेनापतित्वं च महत्प्रतापं पद्मालयालङ्करणोपलब्धिम् । कुर्यान्नराणां हरिणाङ्क एष शरासनस्थोऽवनिजेन दृष्टः ॥ ५० ॥
senāpatitvaṃ ca mahatpratāpaṃ padmālayālaṅkaraṇopalabdhim | kuryānnarāṇāṃ hariṇāṅka eṣa śarāsanastho'vanijena dṛṣṭaḥ || 50 ||
⟨The result of the dṛṣṭi of Mars on the Moon placed in Sagittarius.⟩ This deer-marked one ⟨the Moon⟩, standing in Sagittarius ⟨Śarāsana, the bow⟩ and looked upon by the earth-born one ⟨Mars⟩, gives men the command of armies, great majesty, and the gaining of the ornaments of Padmālayā ⟨Lakṣmī, she whose seat is the lotus⟩. ॥50॥
धनराशिगते चन्द्रे बुधदृष्टिफलम्
सद्वाग्विलासं बहुभृत्ययुक्तं कुर्यान्नरं ज्योतिषशिल्पविद्यम् । तुरङ्गजङ्घे हि कुरङ्गजन्मा कुरङ्गलक्ष्मप्रभवेण दृष्टः ॥ ५१ ॥
sadvāgvilāsaṃ bahubhṛtyayuktaṃ kuryānnaraṃ jyotiṣaśilpavidyam | turaṅgajaṅghe hi kuraṅgajanmā kuraṅgalakṣmaprabhaveṇa dṛṣṭaḥ || 51 ||
⟨The result of the dṛṣṭi of Mercury on the Moon placed in Sagittarius.⟩ The one born of the deer-mark ⟨the Moon⟩, in Sagittarius ⟨Turaṅga-jaṅgha, the horse-thighed⟩ and looked upon by him who springs from the deer-marked one ⟨Mercury⟩, makes the man graced with fine speech, provided with many servants, and learned in jyotiṣa ⟨the science of the heavenly lights⟩ and in craft. ॥51॥
धनराशिगते चन्द्रे गुरुदृष्टिफलम्
महापदस्थो धनवान्सुवृत्तो भवेन्नरश्चारुशरीरयष्टिः । धनुर्धरे शीतकरे प्रयाते निरीक्षिते शक्रपुरोहितेन ॥ ५२ ॥
mahāpadastho dhanavānsuvṛtto bhavennaraścāruśarīrayaṣṭiḥ | dhanurdhare śītakare prayāte nirīkṣite śakrapurohitena || 52 ||
⟨The result of the dṛṣṭi ⟨aspect⟩ of Jupiter on the Moon placed in Sagittarius.⟩ When the cool-rayed one ⟨the Moon⟩ has gone into Sagittarius ⟨Dhanurdhara, the bow-bearer⟩ and is looked upon by the priest of Indra ⟨Jupiter⟩, the man stands in high estate, is wealthy, of good conduct, and of a fair bodily frame. ॥52॥
धनराशिगते चन्द्रे भृगुदृष्टिफलम्
सन्तानार्थात्यन्तसंजातधर्मः शश्वत्सौख्येनान्वितो मानवः स्यात् तारास्वामी चापगामी प्रसूतौ दैत्यामात्यप्रेक्षणत्वं प्रयातः ॥ ५३ ॥
santānārthātyantasaṃjātadharmaḥ śaśvatsaukhyenānvito mānavaḥ syāt tārāsvāmī cāpagāmī prasūtau daityāmātyaprekṣaṇatvaṃ prayātaḥ || 53 ||
⟨The result of the dṛṣṭi of Venus ⟨Bhṛgu⟩ on the Moon placed in Sagittarius.⟩ When at birth the lord of the stars ⟨the Moon⟩ goes into Sagittarius ⟨Cāpa⟩ and comes under the gaze of the minister of the daityas ⟨Venus⟩, the man has children, wealth and dharma springing up in abundance, and is joined with unbroken happiness. ॥53॥
धनुराशिगते चन्द्रे शनिदृष्टिफलम्
सत्त्वोपेतं नित्यशास्त्रानुरक्तं सद्वक्तारं मानवं च प्रचण्डम् । कोदण्डस्थस्तीक्ष्णरश्म्यात्मजेन दृष्टः सूतौ शीतरश्मिः करोति ॥५४॥
sattvopetaṃ nityaśāstrānuraktaṃ sadvaktāraṃ mānavaṃ ca pracaṇḍam | kodaṇḍasthastīkṣṇaraśmyātmajena dṛṣṭaḥ sūtau śītaraśmiḥ karoti ||54||
⟨The result of the dṛṣṭi of Saturn on the Moon placed in Sagittarius.⟩ The cool-rayed one ⟨the Moon⟩, standing in Sagittarius ⟨Kodaṇḍa, the bow⟩ and looked upon at birth by the son of the sharp-rayed one ⟨Saturn⟩, makes the man endowed with courage, ever devoted to the śāstras, a good speaker, and fierce. ॥54॥
मकरराशिगते चन्द्रे रविदृष्टिफलम्
गतधनो मलिनश्चलनप्रियो हतमतिः खलु दुःखितमानसः । हिमकरे मकरे च दिवाकरेक्षिततनौ हि नरः प्रभवेद्यदि ॥ ५५ ॥
gatadhano malinaścalanapriyo hatamatiḥ khalu duḥkhitamānasaḥ | himakare makare ca divākarekṣitatanau hi naraḥ prabhavedyadi || 55 ||
⟨The result of the dṛṣṭi of the Sun on the Moon placed in Capricorn.⟩ If the frost-rayed one ⟨the Moon⟩ is in Capricorn ⟨Makara⟩ and his body is looked upon by the day-maker ⟨the Sun⟩, the man who is born is gone from wealth, dirty, fond of moving about, struck down in understanding, and sorrowful in mind. ॥55॥
मकरराशिगते चन्द्रे भौमदृष्टिफलम्
अतिप्रचण्डो धनवाहनाढ्यः प्राज्ञश्च दारात्मजसौख्ययुक्तः । स्यान्मानवो वैभवभाङ्नितान्तं मृगे मृगाङ्केऽवनिजेन दृष्टे ॥ ५६ ॥
atipracaṇḍo dhanavāhanāḍhyaḥ prājñaśca dārātmajasaukhyayuktaḥ | syānmānavo vaibhavabhāṅnitāntaṃ mṛge mṛgāṅke'vanijena dṛṣṭe || 56 ||
⟨The result of the dṛṣṭi of Mars on the Moon placed in Capricorn.⟩ When the deer-marked one ⟨the Moon⟩ is in Capricorn ⟨Mṛga, the beast⟩ and is looked upon by the earth-born one ⟨Mars⟩, the man is exceedingly fierce, rich in wealth and vehicles, wise, endowed with the happiness of wife and children, and has an abundant share of grandeur. ॥56॥
मकरराशिगते चन्द्रे बुधदृष्टिफलम्
बुद्ध्या हीनो निर्धनस्त्यक्तगेहो गेहिन्याद्यैरुज्झितः पूरुषः स्यात् । आकौं केरः स्थावरे शीतरश्मौ पीयूषांशोरात्मजेन प्रदृष्टे ॥ ५७ ॥
buddhyā hīno nirdhanastyaktageho gehinyādyairujjhitaḥ pūruṣaḥ syāt | ākauṃ keraḥ sthāvare śītaraśmau pīyūṣāṃśorātmajena pradṛṣṭe || 57 ||
⟨The result of the dṛṣṭi of Mercury on the Moon placed in Capricorn.⟩ When the excellent cool-rayed one ⟨the Moon⟩ stands in Ākokera ⟨Capricorn⟩ and is looked upon by the son of the nectar-rayed one ⟨Mercury⟩, the man is bereft of understanding, without wealth, one who has left his home, and cast off by his wife and the rest. ॥57॥
मकरराशिगते चन्द्रे गुरुदृष्टिफलम्
नृपात्मजः सत्ययुतो गुणज्ञः कलत्रपुत्रादियुतो नरः स्यात् । मृगानने जन्मनि यामिनीशे वाचामधीशेन निरीक्ष्यमाणे ॥ ५८ ॥
nṛpātmajaḥ satyayuto guṇajñaḥ kalatraputrādiyuto naraḥ syāt | mṛgānane janmani yāminīśe vācāmadhīśena nirīkṣyamāṇe || 58 ||
⟨The result of the dṛṣṭi of Jupiter on the Moon placed in Capricorn.⟩ When at birth the lord of night ⟨the Moon⟩ is in Capricorn ⟨Mṛgānana, the beast-faced⟩ and is looked upon by the sovereign of speech ⟨Jupiter⟩, the man is a king's son, joined with truth, a knower of merit, and provided with wife, children and the rest. ॥58॥
मकरराशिगते चन्द्रे भृगुदृष्टिफलम्
सुनयनो धनवाहनसंयुतः सुतविभूषणवस्त्रसुखी नरः । कुमुदिनीदयिते मृगसंस्थिते भृगुसुतेन जनो ननु वीक्षिते ॥ ५९ ॥
sunayano dhanavāhanasaṃyutaḥ sutavibhūṣaṇavastrasukhī naraḥ | kumudinīdayite mṛgasaṃsthite bhṛgusutena jano nanu vīkṣite || 59 ||
⟨The result of the dṛṣṭi of Venus ⟨Bhṛgu⟩ on the Moon placed in Capricorn.⟩ When the beloved of the night-lotus ⟨the Moon⟩ stands in Capricorn ⟨Mṛga⟩ and is indeed looked upon by the son of Bhṛgu ⟨Venus⟩, the man is fair-eyed, provided with wealth and vehicles, and happy in children, ornaments and garments. ॥59॥
मकरराशिगते चन्द्रे शनिदृष्टिफलम्
महालसो मन्दधनस्त्वसत्यो मलीमसः स्याद्व्यसनाभिभूतः । पीयूषमूर्तिर्यदि नक्रवर्ती त्रिमूर्तिपुत्रेण निरीक्ष्यमाणः ॥६०॥
mahālaso mandadhanastvasatyo malīmasaḥ syādvyasanābhibhūtaḥ | pīyūṣamūrtiryadi nakravartī trimūrtiputreṇa nirīkṣyamāṇaḥ ||60||
⟨The result of the dṛṣṭi of Saturn on the Moon placed in Capricorn.⟩ If the nectar-formed one ⟨the Moon⟩ dwells in Capricorn ⟨Nakra, the crocodile⟩ and is looked upon by the son of the three-formed one ⟨Saturn, the Sun's son⟩, ⟨the man⟩ is exceedingly slothful, of scant wealth, untruthful, filthy, and overcome by vice. ॥60॥
कुम्भराशिगते चन्द्रे रविदृष्टिफलम्
कृषीवलः कैतवसंयुतश्च नृपाश्रितो धर्मरतो नरः स्यात् । पीयूषमूर्तिर्यदि कुम्भगामी त्वम्भोजिनीस्वामिनिरीक्ष्यमाणः ॥६१॥
kṛṣīvalaḥ kaitavasaṃyutaśca nṛpāśrito dharmarato naraḥ syāt | pīyūṣamūrtiryadi kumbhagāmī tvambhojinīsvāminirīkṣyamāṇaḥ ||61||
⟨The result of the dṛṣṭi of the Sun on the Moon placed in Aquarius.⟩ If the nectar-formed one ⟨the Moon⟩ goes into Aquarius ⟨Kumbha, the pot⟩ and is looked upon by the lord of the lotus-bed ⟨the Sun⟩, the man is a tiller of the soil, joined with trickery, dependent on the king, and devoted to dharma. ॥61॥
कुम्भराशिगते चन्द्रे भौमदृष्टिफलम्
धनभवनजनित्रीतातविश्लेषयुक्तो विषमतमपदार्थोत्पादकोऽनल्पजल्पः । भवति मलिनचित्तोत्यन्तधूर्तो हि मर्त्यः शशिनि कलशयाते वीक्षिते भूसुतेन ॥ ६२ ॥
dhanabhavanajanitrītātaviśleṣayukto viṣamatamapadārthotpādako'nalpajalpaḥ | bhavati malinacittotyantadhūrto hi martyaḥ śaśini kalaśayāte vīkṣite bhūsutena || 62 ||
⟨The result of the dṛṣṭi of Mars on the Moon placed in Aquarius.⟩ When the Moon has gone into Aquarius ⟨Kalaśa, the jar⟩ and is looked upon by the earth's son ⟨Mars⟩, the mortal is joined with separation from the house of wealth, from his mother and from his father, a producer of the most crooked things, no small talker, dirty in mind, and exceedingly a rogue. ॥62॥
कुम्भराशिगते चन्द्रे बुधदृष्टिफलम्
विषयसौख्यरतोऽशनसंविधिरुचिरतीव शुचिः प्रियभाषणः । युवतिगीतसुनीतिकृतादरो घटगतेन्दुरिह ज्ञनिरीक्षितः ॥ ६३ ॥
viṣayasaukhyarato'śanasaṃvidhiruciratīva śuciḥ priyabhāṣaṇaḥ | yuvatigītasunītikṛtādaro ghaṭagatenduriha jñanirīkṣitaḥ || 63 ||
⟨The result of the dṛṣṭi of Mercury on the Moon placed in Aquarius.⟩ The Moon, gone into Aquarius ⟨Ghaṭa, the jar⟩ and looked upon here by Mercury ⟨Jña⟩, ⟨makes the man⟩ devoted to the pleasures of sense, fond of the ordering of food, exceedingly clean, pleasant of speech, and full of regard for young women, for song and for good policy. ॥63॥
कुम्भराशिगते चन्द्रे गुरुदृष्टिफलम्
महीपुरग्रामसुखादिसौख्यं भोगान्वितं साधुजनप्रवृत्तिम् । कुर्यान्नरं श्रेष्ठतरं घटस्थो निशाकरः शक्रगुरुप्रदृष्टः ॥ ६४ ॥
mahīpuragrāmasukhādisaukhyaṃ bhogānvitaṃ sādhujanapravṛttim | kuryānnaraṃ śreṣṭhataraṃ ghaṭastho niśākaraḥ śakragurupradṛṣṭaḥ || 64 ||
⟨The result of the dṛṣṭi of Jupiter on the Moon placed in Aquarius.⟩ The night-maker ⟨the Moon⟩, standing in Aquarius ⟨Ghaṭa⟩ and looked upon by Indra's preceptor ⟨Jupiter⟩, makes the man very excellent, possessed of happiness from land, city, village and the like, endowed with enjoyment, and conducting himself among good people. ॥64॥
कुम्भराशिगते चन्द्रे भृगुदृष्टिफलम्
मित्रात्मजस्त्रीगृहसौख्यहीनो दीनो जनोत्सारितगौरवः स्यात् । निशाकरे कुम्भधरे प्रसूतौ संवीक्षिते दानवपूजितेन ॥ ६५ ॥
mitrātmajastrīgṛhasaukhyahīno dīno janotsāritagauravaḥ syāt | niśākare kumbhadhare prasūtau saṃvīkṣite dānavapūjitena || 65 ||
⟨The result of the dṛṣṭi of Venus ⟨Bhṛgu⟩ on the Moon placed in Aquarius.⟩ When at birth the night-maker ⟨the Moon⟩ is in Aquarius ⟨Kumbhadhara, the pot-bearer⟩ and is well looked upon by him whom the dānavas honour ⟨Venus⟩, ⟨the man⟩ is bereft of the happiness of friends, children, wife and home, wretched, and has his dignity thrust aside by people. ॥65॥
कुम्भराशिगते चन्द्रे शनिदृष्टिफलम्
खरोष्ट्रबालाश्वतरादिलाभं कुस्त्रीरतं धर्मविरुद्धवृत्तिम् । करोति मर्त्यं हि घटेऽधितिष्ठन्निशाकरो भास्करसूनुदृष्टः ॥ ६६ ॥
kharoṣṭrabālāśvatarādilābhaṃ kustrīrataṃ dharmaviruddhavṛttim | karoti martyaṃ hi ghaṭe'dhitiṣṭhanniśākaro bhāskarasūnudṛṣṭaḥ || 66 ||
⟨The result of the dṛṣṭi of Saturn on the Moon placed in Aquarius.⟩ The night-maker ⟨the Moon⟩, abiding in Aquarius ⟨Ghaṭa⟩ and looked upon by the son of the light-maker ⟨Saturn⟩, indeed makes the mortal one who gains donkeys, camels, young beasts, mules and the like, devoted to bad women, and of conduct opposed to dharma. ॥66॥
मीनराशिगते चन्द्रे रविदृष्टिफलम्
मनोद्भवोत्कर्षमतीव सौख्यं सेनापतित्वं बहुवित्तवृद्धिम् । सत्कर्मसिद्धिं कुरुते हिमांशौ झषे दिनेशेन निरीक्ष्यमाणे ॥ ६७ ॥
manodbhavotkarṣamatīva saukhyaṃ senāpatitvaṃ bahuvittavṛddhim | satkarmasiddhiṃ kurute himāṃśau jhaṣe dineśena nirīkṣyamāṇe || 67 ||
⟨The result of the dṛṣṭi of the Sun on the Moon placed in Pisces.⟩ When the frost-rayed one ⟨the Moon⟩ is in Pisces ⟨Jhaṣa, the fish⟩ and is looked upon by the lord of day ⟨the Sun⟩, ⟨he⟩ brings the ascendancy of Manobhava ⟨love⟩, exceeding happiness, the command of armies, the increase of much wealth, and success in good works. ॥67॥
मीनराशिगते चन्द्रे भौमदृष्टिफलम्
पराभिभूतं कुलटाधिसख्यं सौख्योज्झितं पापरतं नितान्तम् । करोति जातं हि निधिः कलानां मीनस्थितो भूमिसुतेन दृष्टः ॥ ६८ ॥
parābhibhūtaṃ kulaṭādhisakhyaṃ saukhyojjhitaṃ pāparataṃ nitāntam | karoti jātaṃ hi nidhiḥ kalānāṃ mīnasthito bhūmisutena dṛṣṭaḥ || 68 ||
⟨The result of the dṛṣṭi of Mars on the Moon placed in Pisces.⟩ The treasury of digits ⟨the Moon⟩, standing in Pisces ⟨Mīna⟩ and looked upon by the earth's son ⟨Mars⟩, indeed makes the one born overcome by others, close friends with unchaste women, bereft of happiness, and exceedingly given to sin. ॥68॥
मीनराशिगते चन्द्रे बुधदृष्टिफलम्
वराङ्गनासूनुसुखानि नूनं मानं धनं भूमिपतेः प्रसादम् । कुर्यान्नराणां हरिणाङ्क एष वैसारिणस्थो ज्ञनिरीक्ष्यमाणः ॥ ६९ ॥
varāṅganāsūnusukhāni nūnaṃ mānaṃ dhanaṃ bhūmipateḥ prasādam | kuryānnarāṇāṃ hariṇāṅka eṣa vaisāriṇastho jñanirīkṣyamāṇaḥ || 69 ||
⟨The result of the dṛṣṭi of Mercury on the Moon placed in Pisces.⟩ This deer-marked one ⟨the Moon⟩, standing in Pisces ⟨Vaisāriṇa, the fish⟩ and looked upon by Mercury ⟨Jña⟩, surely gives men the happiness of fine women and of sons, honour, wealth, and the favour of the lord of the earth ⟨the king⟩. ॥69॥
मीनराशिगते चन्द्रे गुरुदृष्टिफलम्
उदारदेहं सुकुमारदेहं सद्गेहिनीसूनुधनादिसौख्यम् । नृपं विदध्यात्पृथुरोमगामी तमीपतिर्वाक्पतिवीक्षितश्चेत् ॥ ७० ॥
udāradehaṃ sukumāradehaṃ sadgehinīsūnudhanādisaukhyam | nṛpaṃ vidadhyātpṛthuromagāmī tamīpatirvākpativīkṣitaścet || 70 ||
⟨The result of the dṛṣṭi of Jupiter on the Moon placed in Pisces.⟩ If the lord of the night ⟨the Moon⟩ goes into Pisces ⟨Pṛthuroma, the broad-scaled⟩ and is looked upon by the lord of speech ⟨Jupiter⟩, he makes ⟨the man⟩ a king, of noble body, of delicate body, and happy in a good wife, in sons, in wealth and the rest. ॥70॥
मीनराशिगते चन्द्रे भृगुदृष्टिफलम्
सद्गीतविद्यादिरतं सुवृत्तं विलासिनीकेलिविलासशीलम् । करोति मर्त्यं तिमियुग्मराशौ शीतद्युतिर्जन्मनि शुक्रदृष्टः ॥ ७१ ॥
sadgītavidyādirataṃ suvṛttaṃ vilāsinīkelivilāsaśīlam | karoti martyaṃ timiyugmarāśau śītadyutirjanmani śukradṛṣṭaḥ || 71 ||
⟨The result of the dṛṣṭi of Venus ⟨Bhṛgu⟩ on the Moon placed in Pisces.⟩ The cool-lustred one ⟨the Moon⟩, in the sign of the Pair of Fishes ⟨Timiyugma, Pisces⟩ at birth and looked upon by Venus, makes the mortal devoted to the science of fine song and the like, of good conduct, and given to the sport and play of pleasure-women. ॥71॥
मीनराशिगते चन्द्रे शनिदृष्टिफलम्
कामातुरं दारसुतैर्विहीनं नीचाङ्गनासख्यमविक्रमं च । नीहाररश्मिः शफरं प्रपन्नो नरं विदध्याद्रविसूनुदृष्टः ॥ ७२ ॥
kāmāturaṃ dārasutairvihīnaṃ nīcāṅganāsakhyamavikramaṃ ca | nīhāraraśmiḥ śapharaṃ prapanno naraṃ vidadhyādravisūnudṛṣṭaḥ || 72 ||
⟨The result of the dṛṣṭi of Saturn on the Moon placed in Pisces.⟩ The frost-rayed one ⟨the Moon⟩, having entered Pisces ⟨Śaphara, the carp⟩ and looked upon by the Sun's son ⟨Saturn⟩, makes the man sick with desire, bereft of wife and sons, a friend of low women, and without prowess. ॥72॥