Laghu Jātaka

यस्योदयास्तसमये सुरमुकुटनिघृष्टचरणकमलोऽपि । कुरुतेऽञ्जलिं त्रिनेत्रः स जयति धाम्नां निधिः सूर्यः

yasyodayāstasamaye suramukuṭanighṛṣṭacaraṇakamalo'pi | kurute'ñjaliṃ trinetraḥ sa jayati dhāmnāṃ nidhiḥ sūryaḥ

At whose rising and setting the Three-Eyed One ⟨Śiva⟩ — though his own lotus-feet are burnished by the crowns of the gods — folds his hands in salutation: victorious is he, the Sun, the treasure-house of radiance.

होराशास्त्रं वृत्तैर्मया निबद्धं निरीक्ष्य शास्त्राणि । यत्तस्याप्यार्याभिः सारमहं संप्रवक्ष्यामि

horāśāstraṃ vṛttairmayā nibaddhaṃ nirīkṣya śāstrāṇi | yattasyāpyāryābhiḥ sāramahaṃ saṃpravakṣyāmi

Having examined the ⟨earlier⟩ śāstras, I bound up the Horāśāstra ⟨the Bṛhat Jātaka⟩ in ⟨varied⟩ metres; the essence of that too I shall now declare in āryā ⟨verses⟩.

यदुपचितमन्यजन्मनि शुभाऽशुभं तस्य कर्मणः पङ्क्तिम् । व्यञ्जयति शास्त्रमेतत् तमसि द्रव्याणि दीप इव

yadupacitamanyajanmani śubhā'śubhaṃ tasya karmaṇaḥ paṅktim | vyañjayati śāstrametat tamasi dravyāṇi dīpa iva

Whatever auspicious and inauspicious ⟨karman⟩ was heaped up in another birth — the ordered succession of that karman this śāstra makes manifest, as a lamp ⟨makes manifest⟩ objects in darkness.

शीर्षमुखबाहुहृदयोदराणि कटिबस्तिगुह्यसंज्ञानि । ऊरू जानू जङ्घे चरणाविति राशयोऽजाद्याः

śīrṣamukhabāhuhṛdayodarāṇi kaṭibastiguhyasaṃjñāni | ūrū jānū jaṅghe caraṇāviti rāśayo'jādyāḥ

Head, face, arms, heart, belly; ⟨then⟩ those named waist, basti ⟨the lower abdomen⟩ and genitals; the thighs, the knees, the shanks and the feet — such are the signs beginning with Aja ⟨Aries⟩.

कालनरस्यावयवान् पुरुषाणां चिन्तयेत्प्रसवकाले । सदसद्ग्रहसंयोगात् पुष्टाः सोपद्रवास्ते च

kālanarasyāvayavān puruṣāṇāṃ cintayetprasavakāle | sadasadgrahasaṃyogāt puṣṭāḥ sopadravāste ca

At the time of birth one should reckon the limbs of the Time-Man ⟨kālapuruṣa⟩ as the limbs of the persons ⟨born⟩; and by conjunction of good and evil grahas those ⟨limbs⟩ are well-formed or beset with affliction.

अरुणसितहरितपाटलपाण्डुविचित्राः सितेतरपिशङ्गौ । पिङ्गलकर्बुरबभ्रुकमलिना रुचयो यथासङ्ख्यम्

aruṇasitaharitapāṭalapāṇḍuvicitrāḥ sitetarapiśaṅgau | piṅgalakarburababhrukamalinā rucayo yathāsaṅkhyam

Ruddy-red, white, green, pale-red, pale-yellow, variegated; other-than-white ⟨i.e. dark⟩ and tawny-brown; yellowish-brown, speckled, deep-brown and murky — such are the colours ⟨of the signs⟩ in order.

पुंस्त्री-क्रूराऽक्रूरौ चर-स्थिर-द्विस्वभावसंज्ञाश्च । अजवृषमिथुनकुलीराः पञ्चमनवमैः सहैन्द्र्याद्याः

puṃstrī-krūrā'krūrau cara-sthira-dvisvabhāvasaṃjñāśca | ajavṛṣamithunakulīrāḥ pañcamanavamaiḥ sahaindryādyāḥ

⟨The signs are, in turn,⟩ male and female, malefic and non-malefic, and named movable, fixed and dual. Aja ⟨Aries⟩, Vṛṣa ⟨Taurus⟩, Mithuna ⟨Gemini⟩ and Kulīra ⟨Cancer⟩, each together with the fifth and the ninth ⟨from it⟩, have for their quarters those of Indra ⟨east⟩ and the rest ⟨south, west, north⟩.

कुजशुक्रज्ञेन्द्वर्कज्ञशुक्रकुजजीवसौरियमगुरवः । भेशा नवांशकानामजमकरतुलाकुलीराद्याः

kujaśukrajñendvarkajñaśukrakujajīvasauriyamaguravaḥ | bheśā navāṃśakānāmajamakaratulākulīrādyāḥ

Mars, Venus, Mercury, the Moon, the Sun, Mercury, Venus, Mars, Jupiter, Saturn, Saturn ⟨yama⟩ and Jupiter ⟨guru⟩ are the lords of the ⟨twelve⟩ signs; the navāṃśas begin from Aja ⟨Aries⟩, Makara ⟨Capricorn⟩, Tulā ⟨Libra⟩ and Kulīra ⟨Cancer⟩ ⟨for the four groups named in the preceding verse⟩.

स्वगृहाद् द्वादशभागाः द्रेष्काणाः प्रथमपञ्चनवपानाम् । होरे विषमेऽर्केन्द्वोः समराशौ चन्द्रतीक्ष्णांश्वोः

svagṛhād dvādaśabhāgāḥ dreṣkāṇāḥ prathamapañcanavapānām | hore viṣame'rkendvoḥ samarāśau candratīkṣṇāṃśvoḥ

The twelfth-parts ⟨dvādaśāṃśas⟩ ⟨are counted⟩ from the sign itself; the drekkāṇas belong to the lords of the first, the fifth and the ninth ⟨signs from it⟩. In an odd sign the two horās are the Sun's and the Moon's; in an even sign, the Moon's and the sharp-rayed one's ⟨the Sun's⟩.

कुजयमजीवज्ञसिताः पञ्चेन्द्रियवसुमुनीन्द्रियांशानाम् । विषमेषु समर्क्षेषूत्क्रमेण त्रिंशांशपाः कल्प्याः

kujayamajīvajñasitāḥ pañcendriyavasumunīndriyāṃśānām | viṣameṣu samarkṣeṣūtkrameṇa triṃśāṃśapāḥ kalpyāḥ

Mars, Saturn ⟨yama⟩, Jupiter, Mercury and Venus are to be reckoned the lords of the triṃśāṃśas — of five, five, eight, seven and five ⟨degrees respectively⟩ — in the odd signs; in the even signs, in reverse order.

नृचतुष्पदकीटाप्याबलिनः प्राग्दक्षिणापरोत्तरगाः । सन्ध्याद्युरात्रिबलिनः कीटा नृचतुष्पदाश्चैवम्

nṛcatuṣpadakīṭāpyābalinaḥ prāgdakṣiṇāparottaragāḥ | sandhyādyurātribalinaḥ kīṭā nṛcatuṣpadāścaivam

Human, quadruped, insect and watery ⟨signs⟩ are strong when they lie to the east, the south, the west and the north ⟨respectively⟩. At twilight, by day and by night the strong ones are the insect, the human and the quadruped ⟨signs⟩ — thus likewise.

मेषवृषधन्विसिंहाश्चतुष्पदा मकरपूर्वभागश्च । कीटः कर्कटराशिः सरीसृपो वृश्चिकः कथितः

meṣavṛṣadhanvisiṃhāścatuṣpadā makarapūrvabhāgaśca | kīṭaḥ karkaṭarāśiḥ sarīsṛpo vṛścikaḥ kathitaḥ

Aries, Taurus, Sagittarius and Leo are quadrupeds, and ⟨so is⟩ the first half of Capricorn. The sign Cancer is an insect ⟨kīṭa⟩; Scorpio is declared a creeping creature ⟨sarīsṛpa⟩.

मकरस्य पश्चिमार्धं ज्ञेयो मीनश्च जलचरः ख्यातः । मिथुनतुलाघटकन्या द्विपदाख्या धन्विपूर्वभागश्च

makarasya paścimārdhaṃ jñeyo mīnaśca jalacaraḥ khyātaḥ | mithunatulāghaṭakanyā dvipadākhyā dhanvipūrvabhāgaśca

The latter half of Capricorn is to be known ⟨as a water-creature⟩, and Pisces is renowned as a water-goer. Gemini, Libra, Ghaṭa ⟨Aquarius⟩ and Virgo are named bipeds, and ⟨so is⟩ the first half of Sagittarius.

अधिपयुतो दृष्टो वा बुधजीवयुतेक्षितश्च यो राशिः । स भवति बलवान्न यदा युक्तो दृष्टोऽपि वा शेषैः

adhipayuto dṛṣṭo vā budhajīvayutekṣitaśca yo rāśiḥ | sa bhavati balavānna yadā yukto dṛṣṭo'pi vā śeṣaiḥ

The rāśi that is joined with its lord or aspected ⟨by him⟩, and that is joined with or aspected by Mercury and Jupiter, becomes strong — not when it is joined or even aspected by the remaining ⟨grahas⟩.

तनुधनसहजसुहृत्-सुतरिपुजायामृत्युधर्मकर्माख्याः । व्यय इति लग्नाद्भावाश्चतुरस्राख्येऽष्टमचतुर्थे

tanudhanasahajasuhṛt-sutaripujāyāmṛtyudharmakarmākhyāḥ | vyaya iti lagnādbhāvāścaturasrākhye'ṣṭamacaturthe

Tanu ⟨1st⟩, dhana ⟨2nd⟩, sahaja ⟨3rd⟩, suhṛt ⟨4th⟩, suta ⟨5th⟩, ripu ⟨6th⟩, jāyā ⟨7th⟩, mṛtyu ⟨8th⟩, dharma ⟨9th⟩, karma ⟨10th⟩ are the names, and vyaya ⟨12th⟩ — such are the bhāvas ⟨houses⟩ ⟨counted⟩ from the lagna. The eighth and the fourth are called caturasra.

पातालहिबुकवेश्मसुखबन्धुसंज्ञाश्चतुर्थभावस्य । नव-पञ्चमे त्रिकोणे नवमर्क्षं त्रित्रिकोणं च

pātālahibukaveśmasukhabandhusaṃjñāścaturthabhāvasya | nava-pañcame trikoṇe navamarkṣaṃ tritrikoṇaṃ ca

Pātāla, hibuka, veśma, sukha and bandhu are names of the fourth bhāva. The ninth and the fifth are trikoṇa ⟨trines⟩; and the ninth sign ⟨is called⟩ tritrikoṇa.

धीः पञ्चमं तृतीयं दुश्चिक्यं सप्तमं तु यामित्रम् । द्यूनं द्युनं च तद्वच्छिद्रमष्टमं द्वादशं रिष्फम्

dhīḥ pañcamaṃ tṛtīyaṃ duścikyaṃ saptamaṃ tu yāmitram | dyūnaṃ dyunaṃ ca tadvacchidramaṣṭamaṃ dvādaśaṃ riṣpham

The fifth is dhī; the third, duścikya; the seventh, yāmitra — and likewise dyūna and dyuna. The eighth is chidra, the twelfth riṣpha.

केन्द्रचतुष्टयकण्टकलग्नाऽस्तदशमचतुर्थानाम् । संज्ञा परतः पणफरमापोक्लीमं च तत्परतः

kendracatuṣṭayakaṇṭakalagnā'stadaśamacaturthānām | saṃjñā parataḥ paṇapharamāpoklīmaṃ ca tatparataḥ

Kendra, catuṣṭaya and kaṇṭaka are the names of the lagna, the setting place ⟨7th⟩, the tenth and the fourth. Those next after ⟨them⟩ are paṇaphara, and those next after that, āpoklīma.

त्रिषडेकादशदशमान्युपचयभवनान्यतोऽन्यथाऽन्यानि । वर्गोत्तमा नवांशाश्चरादिषु प्रथममध्यान्त्याः

triṣaḍekādaśadaśamānyupacayabhavanānyato'nyathā'nyāni | vargottamā navāṃśāścarādiṣu prathamamadhyāntyāḥ

The third, the sixth, the eleventh and the tenth are the upacaya houses; the others are otherwise. The vargottama navāṃśas are the first, the middle and the last, in the movable ⟨fixed and dual signs⟩ respectively.

मेषाद्याश्चत्वारः सधन्विमकराः क्षपाबला ज्ञेयाः । पृष्ठोदया विमिथुनाः शिरसान्ये ह्युभयतो मीनः

meṣādyāścatvāraḥ sadhanvimakarāḥ kṣapābalā jñeyāḥ | pṛṣṭhodayā vimithunāḥ śirasānye hyubhayato mīnaḥ

The four beginning with Meṣa ⟨Aries, Taurus, Gemini, Cancer⟩, together with Sagittarius and Capricorn, are to be known as strong by night. These, excepting Gemini, are back-rising ⟨pṛṣṭhodaya⟩; the rest rise head-first ⟨śīrṣodaya⟩; and Pisces rises both ways.

अजवृषमृगाङ्गनाकर्किमीनवणिजांशकेष्विनाद्युच्चाः । दशशिख्यष्टाविंशतितिथीन्द्रियत्रिनवविंशेषु

ajavṛṣamṛgāṅganākarkimīnavaṇijāṃśakeṣvinādyuccāḥ | daśaśikhyaṣṭāviṃśatitithīndriyatrinavaviṃśeṣu

In Aja ⟨Aries⟩, Vṛṣa ⟨Taurus⟩, Mṛga ⟨Capricorn⟩, Aṅganā ⟨Virgo⟩, Karki ⟨Cancer⟩, Mīna ⟨Pisces⟩ and Vaṇij ⟨Libra⟩ — at the degrees ten, three, twenty-eight, fifteen, five, twenty-seven and twenty — the Sun and the rest are exalted.

उच्चान्नीचं सप्तममर्कादीनां त्रिकोणसंज्ञानि । सिंहवृषाजप्रमदा-कार्मुकभृत्तौलिकुम्भधराः

uccānnīcaṃ saptamamarkādīnāṃ trikoṇasaṃjñāni | siṃhavṛṣājapramadā-kārmukabhṛttaulikumbhadharāḥ

The debilitation is the seventh from the exaltation. The ⟨signs⟩ named trikoṇa ⟨mūlatrikoṇa⟩ of the Sun and the rest are Siṃha ⟨Leo⟩, Vṛṣa ⟨Taurus⟩, Aja ⟨Aries⟩, Pramadā ⟨Virgo⟩, Kārmuka ⟨Sagittarius⟩, Tauli ⟨Libra⟩ and Kumbha ⟨Aquarius⟩.

गृहहोराद्रेष्काणा नवभागो द्वादशांशकस्त्रिंशः । वर्गः प्रत्येतव्यो ग्रहस्य यो यस्य निर्दिष्टः

gṛhahorādreṣkāṇā navabhāgo dvādaśāṃśakastriṃśaḥ | vargaḥ pratyetavyo grahasya yo yasya nirdiṣṭaḥ

House ⟨gṛha, the sign⟩, horā, dreṣkāṇa, navabhāga ⟨navāṃśa⟩, dvādaśāṃśa and triṃśa ⟨triṃśāṃśa⟩ — the varga of a graha is to be recognised as that which has been assigned to whom.

आत्मा रविः शीतकरस्तु चेतः सत्त्वं धराजः शशिजोऽथ वाणी । ज्ञानं सुखं चेन्द्रगुरुर्मदश्च शुक्रः शनिः कालनरस्य दुःखम्

ātmā raviḥ śītakarastu cetaḥ sattvaṃ dharājaḥ śaśijo'tha vāṇī | jñānaṃ sukhaṃ cendragururmadaśca śukraḥ śaniḥ kālanarasya duḥkham

The Sun is the soul, the cool-rayed one ⟨the Moon⟩ the mind, the earth-born ⟨Mars⟩ vigour, and the moon-born ⟨Mercury⟩ speech; the preceptor of Indra ⟨Jupiter⟩ is knowledge and happiness, Venus is desire, and Saturn is the sorrow of the Man of Time.

आत्मादयो गगनगैर्बलिभिर्बलवत्तराः । दुर्बलैर्दुर्बला ज्ञेया विपरीतः शनिः स्मृतः

ātmādayo gaganagairbalibhirbalavattarāḥ | durbalairdurbalā jñeyā viparītaḥ śaniḥ smṛtaḥ

The soul and the rest ⟨the significations of the preceding verse⟩ are stronger when the sky-goers ⟨that signify them⟩ are strong, and are to be known as weak when those are weak; Saturn is declared to be the reverse.

राजा रविः शशधरश्च बुधः कुमारः सेनापतिः क्षितिसुतः सचिवौ सितेज्यौ । भृत्यस्तथा तरणिजः सबला ग्रहाश्च कुर्वन्ति जन्मसमये निजमेव रूपम्

rājā raviḥ śaśadharaśca budhaḥ kumāraḥ senāpatiḥ kṣitisutaḥ sacivau sitejyau | bhṛtyastathā taraṇijaḥ sabalā grahāśca kurvanti janmasamaye nijameva rūpam

The Sun and the Moon are kings, Mercury the prince, the earth's son ⟨Mars⟩ the commander of the army, Venus and Jupiter the two ministers, and the sun-born ⟨Saturn⟩ the servant; and the grahas, when strong at the time of birth, make ⟨the native⟩ into their own very form.

प्राच्यादीशा रविसितकुजराहुयमेन्दुसौम्यवाक्पतयः । क्षीणेन्द्वर्कयमाराः पापास्तैः संयुतः सौम्यः

prācyādīśā ravisitakujarāhuyamendusaumyavākpatayaḥ | kṣīṇendvarkayamārāḥ pāpāstaiḥ saṃyutaḥ saumyaḥ

The lords of the east and the rest ⟨of the eight directions, in order⟩ are the Sun, Venus, Mars, Rāhu, Saturn, the Moon, Mercury and Jupiter. The waning Moon, the Sun, Saturn and Mars are malefics; a benefic joined with them ⟨becomes one too⟩.

क्लीबपती बुधसौरी चन्द्रसितौ योषितां नृणां शेषाः । ऋगथर्वसामयजुषामधिपा गुरुसौम्यभौमसिताः

klībapatī budhasaurī candrasitau yoṣitāṃ nṛṇāṃ śeṣāḥ | ṛgatharvasāmayajuṣāmadhipā gurusaumyabhaumasitāḥ

Mercury and Saturn are the lords of the neuter, the Moon and Venus of women, the rest of men. The lords of the Ṛg, the Atharva, the Sāma and the Yajus ⟨Vedas⟩ are Jupiter, Mercury, Mars and Venus ⟨respectively⟩.

जीवसितौ विप्राणां क्षत्राणां रविकुजौ विशां चन्द्रः । शूद्राधिपः शशिसुतः शनैश्चरः सङ्करभवानाम्

jīvasitau viprāṇāṃ kṣatrāṇāṃ ravikujau viśāṃ candraḥ | śūdrādhipaḥ śaśisutaḥ śanaiścaraḥ saṅkarabhavānām

Jupiter and Venus ⟨are the lords⟩ of brāhmaṇas, the Sun and Mars of kṣatriyas, the Moon of the vaiśyas; Mercury is lord of the śūdras, and Saturn of those born of mixed ⟨caste⟩.

बलवान् स्वगृहोच्चांशे मित्रर्क्षे वीक्षितः शुभैश्चापि । चन्द्रसितौ स्त्रीक्षेत्रे पुरुषक्षेत्रोपगाः शेषाः

balavān svagṛhoccāṃśe mitrarkṣe vīkṣitaḥ śubhaiścāpi | candrasitau strīkṣetre puruṣakṣetropagāḥ śeṣāḥ

⟨A graha is⟩ strong in its own house, in its exaltation, in its own aṃśa, in a friend's sign, and also when aspected by benefics. The Moon and Venus ⟨are strong⟩ in a female sign, the rest when placed in a male sign.

प्राच्यादिषु जीवबुधौ सूर्यारौ भास्करिः शशाङ्कसितौ । उदगयने शशिसूर्यौ वक्रेऽन्ये स्निग्धविपुलाश्च

prācyādiṣu jīvabudhau sūryārau bhāskariḥ śaśāṅkasitau | udagayane śaśisūryau vakre'nye snigdhavipulāśca

In the east and the rest ⟨of the quarters, strength belongs to⟩ Jupiter and Mercury, the Sun and Mars, Saturn, and the Moon and Venus ⟨in that order⟩. The Moon and the Sun ⟨are strong⟩ in the northern course, the others when retrograde, and ⟨all when⟩ lustrous and large.

अहनि सितार्कसुरेज्या द्युनिशं ज्ञो नक्तमिन्दुकुजसौराः । स्वदिनादिष्वशुभशुभा बहुलोत्तरपक्षयोर्बलिनः

ahani sitārkasurejyā dyuniśaṃ jño naktamindukujasaurāḥ | svadinādiṣvaśubhaśubhā bahulottarapakṣayorbalinaḥ

By day Venus, the Sun and the preceptor of the gods ⟨Jupiter are strong⟩; by day and by night Mercury; by night the Moon, Mars and Saturn. Malefics and benefics are strong on their own days and so forth, and in the dark and the bright fortnights ⟨respectively⟩.

मन्दारसौम्यवाक्पतिसितचन्द्रार्का यथोत्तरं बलिनः । नैसर्गिकबलमेतत् बलसाम्येऽस्माद् बलाधिकता

mandārasaumyavākpatisitacandrārkā yathottaraṃ balinaḥ | naisargikabalametat balasāmye'smād balādhikatā

Saturn, Mars, Mercury, Jupiter, Venus, the Moon and the Sun are each stronger than the one before. This is natural strength; when strength is otherwise equal, the greater strength is settled by this.

मित्रक्षेत्रे स्वोच्चे स्वहोरायां स्वभवनत्रिकोणे च । स्वद्रेष्काणे स्वांशे स्वदिने च बलान्विताः सर्वे

mitrakṣetre svocce svahorāyāṃ svabhavanatrikoṇe ca | svadreṣkāṇe svāṃśe svadine ca balānvitāḥ sarve

In a friend's sign, in its own exaltation, in its own horā, in its own house and trikoṇa, in its own dreṣkāṇa, in its own aṃśa, and on its own day — in all these all ⟨the grahas⟩ are possessed of strength.

दशम-तृतीये नव-पञ्चमे चतुर्थाष्टमे कलत्रं च । पश्यन्ति पादवृद्ध्या फलानि चैवं प्रयच्छन्ति

daśama-tṛtīye nava-pañcame caturthāṣṭame kalatraṃ ca | paśyanti pādavṛddhyā phalāni caivaṃ prayacchanti

⟨The grahas⟩ aspect the tenth and third, the ninth and fifth, the fourth and eighth, and the seventh, with an increase of a quarter ⟨at each step⟩, and they give their results in that same measure.

पूर्णम्पश्यति रविजस्तृतीयदशमे त्रिकोणमपि जीवः । चतुरस्रं भूमिसुतः सितार्कबुधहिमकराः कलत्रं च

pūrṇampaśyati ravijastṛtīyadaśame trikoṇamapi jīvaḥ | caturasraṃ bhūmisutaḥ sitārkabudhahimakarāḥ kalatraṃ ca

The sun-born ⟨Saturn⟩ aspects the third and tenth fully; Jupiter the trikoṇa ⟨the fifth and ninth⟩ as well ⟨fully⟩; the earth's son ⟨Mars⟩ the four-cornered ⟨fourth and eighth⟩; and Venus, the Sun, Mercury and the Moon the seventh.

मित्राण्यर्काज्जीवो ज्ञगुरू ज्ञसितौ विभास्करा विकुजाः । वीन्द्वर्का विकुजरवीन्दवश्च केषाञ्चिदरयोऽन्ये

mitrāṇyarkājjīvo jñagurū jñasitau vibhāskarā vikujāḥ | vīndvarkā vikujaravīndavaśca keṣāñcidarayo'nye

The friends, ⟨reckoned⟩ from the Sun onward, are these: ⟨for the Sun⟩ Jupiter; ⟨for the Moon⟩ Mercury and Jupiter; ⟨for Mars⟩ Mercury and Venus; ⟨for Mercury, all the grahas⟩ save the Sun; ⟨for Jupiter, all⟩ save Mars; ⟨for Venus, all⟩ save the Moon and the Sun; and ⟨for Saturn, all⟩ save Mars, the Sun and the Moon. The rest are enemies — such is the view of some ⟨teachers⟩.

शत्रू मन्दसितौ समश्च शशिजो मित्राणि शेषा रवेस्तीक्ष्णांशुर्हिमरश्मिजश्च सुहृदौ शेषाः समाः शीतगोः । जीवेन्दूष्णकराः कुजस्य सुहृदो ज्ञोऽरिः सितार्की समौ मित्रे सूर्यसितौ बुधस्य हिमगुः शत्रुः समाश्चापरे

śatrū mandasitau samaśca śaśijo mitrāṇi śeṣā ravestīkṣṇāṃśurhimaraśmijaśca suhṛdau śeṣāḥ samāḥ śītagoḥ | jīvendūṣṇakarāḥ kujasya suhṛdo jño'riḥ sitārkī samau mitre sūryasitau budhasya himaguḥ śatruḥ samāścāpare

Saturn and Venus are the two enemies, Mercury is neutral, and the rest ⟨the Moon, Mars and Jupiter⟩ are the friends — of the Sun. The Sun and Mercury are the two friends, and the rest ⟨Mars, Jupiter, Venus and Saturn⟩ are neutral — of the Moon. Jupiter, the Moon and the Sun are the friends of Mars; Mercury is his enemy; Venus and Saturn are the two neutrals. The Sun and Venus are the two friends of Mercury; the Moon is his enemy; and the others ⟨Mars, Jupiter and Saturn⟩ are neutral.

सूरेः सौम्यसितावरी रविसुतो मध्योऽपरे त्वन्यथा सौम्यार्की सुहृदौ समौ कुजगुरू शुक्रस्य शेषावरी शुक्रज्ञौ सुहृदौ समः सुरगुरुः सौरेस्तथान्येऽरयस्तत्काले च दशाऽऽयबन्धुसहजस्वाऽन्त्येषु मित्रं स्थितः

sūreḥ saumyasitāvarī ravisuto madhyo'pare tvanyathā saumyārkī suhṛdau samau kujagurū śukrasya śeṣāvarī śukrajñau suhṛdau samaḥ suraguruḥ saurestathānye'rayastatkāle ca daśā''yabandhusahajasvā'ntyeṣu mitraṃ sthitaḥ

Of Jupiter, Mercury and Venus are the two enemies, Saturn is middling ⟨neutral⟩, and the others ⟨the Sun, the Moon and Mars⟩ are otherwise ⟨that is, friends⟩. Mercury and Saturn are the two friends, Mars and Jupiter the two neutrals, and the remaining two ⟨the Sun and the Moon⟩ the enemies — of Venus. Venus and Mercury are the two friends, Jupiter is neutral, and the others ⟨the Sun, the Moon and Mars⟩ are likewise enemies — of Saturn. And for the moment: one standing in the 10th, the 11th, the 4th, the 3rd, the 2nd or the 12th ⟨from another graha⟩ is a friend ⟨of it⟩.

मूलत्रिकोणषष्ठत्रिकोणनिधनैकराशिसप्तमगाः । एकैकस्य यथा सम्भवन्ति तात्कालिका रिपवः

mūlatrikoṇaṣaṣṭhatrikoṇanidhanaikarāśisaptamagāḥ | ekaikasya yathā sambhavanti tātkālikā ripavaḥ

Those standing in the mūlatrikoṇa ⟨sign⟩, in the 6th, in a trikoṇa ⟨the 9th and the 5th⟩, in the 8th, in the same rāśi, and in the 7th — such of them as arise in each single case — are the temporal (tātkālika) enemies.

मित्रमुदासीनोऽरिर्व्याख्याता ये निसर्गभावेन । तेऽधिसुहृन्मित्रसमास्तत्कालमुपस्थिताश्चिन्त्याः

mitramudāsīno'rirvyākhyātā ye nisargabhāvena | te'dhisuhṛnmitrasamāstatkālamupasthitāścintyāḥ

Those who have been declared friend, neutral (udāsīna) and enemy by natural disposition ⟨naisargika⟩ — when the same present themselves ⟨as friends⟩ for the moment, they are to be reckoned ⟨respectively⟩ as great friend (adhisuhṛd), friend, and neutral.

चतुरस्त्रो नात्युच्चस्तनुकेशः पैत्तिकोऽस्थिसारश्च । शूरो मधुपिङ्गाक्षो रक्तश्यामः पृथुश्चार्कः

caturastro nātyuccastanukeśaḥ paittiko'sthisāraśca | śūro madhupiṅgākṣo raktaśyāmaḥ pṛthuścārkaḥ

Square-built, not very tall, with thin hair, of bilious ⟨pitta⟩ humour, and having bone for his essential tissue ⟨sāra⟩; valiant, with honey-tawny eyes, dark with a red tinge, and broad — such is the Sun ⟨arka⟩.

स्वच्छः प्राज्ञो गौरश्चपलः कफवातिको रुधिरसारः । मृदुवाग् घृणी प्रियसखस्तनुवृत्तश्चन्द्रमाः प्रांशुः

svacchaḥ prājño gauraścapalaḥ kaphavātiko rudhirasāraḥ | mṛduvāg ghṛṇī priyasakhastanuvṛttaścandramāḥ prāṃśuḥ

Clear ⟨of complexion⟩, wise, fair, restless, of phlegm-and-wind humour, having blood for his essential tissue; soft of speech, tender-hearted ⟨ghṛṇin⟩, dear to friends, of slender round ⟨body⟩ — the Moon is tall.

हिंस्रो ह्रस्वस्तरुणः पिङ्गाक्षः पैत्तिको दुराधर्षः । चपलः सरक्तगौरो मज्जासारश्च माहेयः

hiṃsro hrasvastaruṇaḥ piṅgākṣaḥ paittiko durādharṣaḥ | capalaḥ saraktagauro majjāsāraśca māheyaḥ

Violent, short, youthful, tawny-eyed, of bilious humour, hard to assail, fickle, fair with a red tinge, and having marrow for his essential tissue — such is Mars ⟨māheya, son of the Earth⟩.

मध्यमरूपः प्रियवाग् दूर्वाश्यामः शिराततो निपुणः । त्वक्सारस्त्रिस्थूणः सततं हृष्टस्तु चन्द्रसुतः

madhyamarūpaḥ priyavāg dūrvāśyāmaḥ śirātato nipuṇaḥ | tvaksārastristhūṇaḥ satataṃ hṛṣṭastu candrasutaḥ

Of middling build, pleasant of speech, dark as dūrvā grass, spread over with veins, skilful, having skin for his essential tissue, three-pillared ⟨tristhūṇa⟩, and constantly cheerful — such is Mercury ⟨candrasuta, son of the Moon⟩.

मधुनिभनयनो मतिमानुपचितमांसः कफात्मको गौरः । ईषत्पिङ्गलकेशो मेदःसारो गुरुरदीर्घः

madhunibhanayano matimānupacitamāṃsaḥ kaphātmako gauraḥ | īṣatpiṅgalakeśo medaḥsāro gururadīrghaḥ

With eyes like honey, of good understanding, well covered with flesh, of phlegmatic constitution, fair, with somewhat tawny hair, having fat for his essential tissue — and Jupiter ⟨guru⟩ is tall.

श्यामो विकृष्टपर्वा कुटिलासितमूर्धजः सुखी कान्तः । कफवातिको मधुरवाग्भृगुपुत्रः शुक्रसारश्च

śyāmo vikṛṣṭaparvā kuṭilāsitamūrdhajaḥ sukhī kāntaḥ | kaphavātiko madhuravāgbhṛguputraḥ śukrasāraśca

Dark, with drawn-out joints, with curling black hair, at ease, handsome, of phlegm-and-wind humour, sweet of speech — such is Venus ⟨bhṛguputra, son of Bhṛgu⟩, and semen ⟨śukra⟩ is his essential tissue.

कृशदीर्घः पिङ्गाक्षः कृष्णः पिशुनोऽलसोऽनिलप्रकृतिः । स्थूलनखदन्तरोमा शनैश्चरो स्नायुसारश्च

kṛśadīrghaḥ piṅgākṣaḥ kṛṣṇaḥ piśuno'laso'nilaprakṛtiḥ | sthūlanakhadantaromā śanaiścaro snāyusāraśca

Lean and tall, tawny-eyed, black, a slanderer, indolent, of windy constitution, with coarse nails, teeth and body-hair — such is Saturn ⟨śanaiścara⟩, and sinew is his essential tissue.

एते ग्रहा बलिष्ठाः प्रसूतिकाले नृणां स्वमूर्तिसमम् । कुर्युर्देहं नियतं बहवश्च समागता मिश्रम्

ete grahā baliṣṭhāḥ prasūtikāle nṛṇāṃ svamūrtisamam | kuryurdehaṃ niyataṃ bahavaśca samāgatā miśram

These grahas, when strongest at the moment of birth, unfailingly make the bodies of men resemble their own forms; and when many come together, ⟨they make the body⟩ mixed.

आधानेऽस्तगृहं यत्तच्छीलो मैथुने पुमान् भवति । सायासमसद्युतवीक्षिते विदग्धं शुभैरस्ते

ādhāne'stagṛhaṃ yattacchīlo maithune pumān bhavati | sāyāsamasadyutavīkṣite vidagdhaṃ śubhairaste

At conception (ādhāna), whatever ⟨sign⟩ stands as the seventh house (asta, the setting place), of that sign's character is the man in intercourse. ⟨The union is⟩ toilsome when ⟨the seventh is⟩ joined with or aspected by the bad ⟨malefics⟩; ⟨it is⟩ skilful when benefics are in the setting place.

सौरांशेऽब्जांशे वा चन्द्रः सौरान्वितोऽथ हिबुके वा । शान्तो दीपो जन्मन्याधाने चेन्न रविदृष्टः

saurāṃśe'bjāṃśe vā candraḥ saurānvito'tha hibuke vā | śānto dīpo janmanyādhāne cenna ravidṛṣṭaḥ

The Moon in Saturn's navāṃśa or in the Moon's own navāṃśa (abja), or joined with Saturn, or ⟨standing⟩ in the fourth house (hibuka) — if it is not aspected by the Sun, the lamp ⟨was⟩ out, whether at the birth or at the conception.

चन्द्रो यावत्सङ्ख्ये द्वादशभागे निषेकसमये स्यात् । तस्मात् तावति राशौ जन्मेन्दौ सम्भवे मासि

candro yāvatsaṅkhye dvādaśabhāge niṣekasamaye syāt | tasmāt tāvati rāśau janmendau sambhave māsi

In whatever-numbered dvādaśāṃśa (twelfth-part) the Moon stands at the time of insemination (niṣeka) — counting that many signs from that ⟨sign⟩, when the Moon at delivery ⟨stands⟩ in that sign, ⟨the birth falls⟩ in that month.

उदयति मृदुभांशे सप्तमस्थे च मन्दे यदि भवति निषेकः सूतिमब्दत्रयेण । शशिनि तु विधिरेष द्वादशेऽब्दे प्रकुर्यान्निगदितमिह चिन्त्यं सूतिकालेऽपि युक्त्या

udayati mṛdubhāṃśe saptamasthe ca mande yadi bhavati niṣekaḥ sūtimabdatrayeṇa | śaśini tu vidhireṣa dvādaśe'bde prakuryānnigaditamiha cintyaṃ sūtikāle'pi yuktyā

If the navāṃśa of a soft (mṛdu) sign is rising and Saturn stands in the seventh, and conception then takes place, the delivery comes after three years; but with the Moon ⟨so placed⟩ one should apply this same rule to the twelfth year. What is stated here is to be considered by reasoning at the time of birth also.

यमवक्रौ द्यूनेऽर्कात् पुंसो रोगप्रदौ स्त्रियश्चन्द्रात् । तन्मध्यगयोर्मृत्युस्तदेकयुतदृष्टयोश्चैवम्

yamavakrau dyūne'rkāt puṃso rogapradau striyaścandrāt | tanmadhyagayormṛtyustadekayutadṛṣṭayoścaivam

Saturn (yama) and Mars (vakra) in the seventh from the Sun give disease to the man, ⟨and⟩ from the Moon, to the woman. When ⟨the luminary⟩ goes between those two, death; and likewise when it is joined with or aspected by one ⟨of them⟩.

कललघनावयवास्थित्वग्रोमस्मृतिसमुद्भवाः क्रमशः । मासेषु शुक्रकुजजीवसूर्यचन्द्रार्किसौम्यानाम्

kalalaghanāvayavāsthitvagromasmṛtisamudbhavāḥ kramaśaḥ | māseṣu śukrakujajīvasūryacandrārkisaumyānām

The arising, in order, of the kalala ⟨the fluid embryo⟩, the solid mass (ghana), the limbs, the bones, the skin, the body-hair and consciousness (smṛti) ⟨takes place⟩ in the months ⟨belonging⟩ to Venus, Mars, Jupiter, the Sun, the Moon, Saturn and Mercury.

अशनोद्वेगप्रसवाः परतो लग्नेशचन्द्रसूर्याणाम् । कलुषैः पीडा पतनं निपीडितैर्निर्मलैः पुष्टिः

aśanodvegaprasavāḥ parato lagneśacandrasūryāṇām | kaluṣaiḥ pīḍā patanaṃ nipīḍitairnirmalaiḥ puṣṭiḥ

Thereafter, ⟨in the months⟩ of the lord of the lagna, of the Moon and of the Sun, come nourishment (aśana), agitation and delivery. When ⟨these lords⟩ are sullied, affliction; when they are hard-pressed, a falling ⟨miscarriage⟩; when they are unblemished, growth.

बलयुक्तौ स्वगृहांशेष्वर्कसितावुपचयर्क्षगौ पुंसाम् । स्त्रीणां वा कुजचन्द्रौ यदा तदा गर्भसम्भवो भवति

balayuktau svagṛhāṃśeṣvarkasitāvupacayarkṣagau puṃsām | strīṇāṃ vā kujacandrau yadā tadā garbhasambhavo bhavati

When the Sun and Venus, possessed of strength, standing in their own signs or navāṃśas, occupy an upacaya sign ⟨the 3rd, 6th, 10th or 11th⟩ — for men; or Mars and the Moon — for women; then conception takes place.

लग्ने बलिनि गुरौ वा नवपञ्चमसंस्थितेऽपि वा भवति । योगा हतबीजानामफला वीणेव बधिराणाम्

lagne balini gurau vā navapañcamasaṃsthite'pi vā bhavati | yogā hatabījānāmaphalā vīṇeva badhirāṇām

Though the lagna be strong, or Jupiter be placed in the ninth or the fifth, for those whose seed is destroyed (hata-bīja) the yogas are fruitless — like a vīṇā for the deaf.

विषमर्क्षे विषमांशे संस्थिताश्च गुरुशशाङ्कलग्नार्काः । पुञ्जन्मकराः समभेषु योषितां समनवांशगताः

viṣamarkṣe viṣamāṃśe saṃsthitāśca guruśaśāṅkalagnārkāḥ | puñjanmakarāḥ samabheṣu yoṣitāṃ samanavāṃśagatāḥ

Jupiter, the Moon, the lagna and the Sun, standing in an odd sign and an odd navāṃśa, cause the birth of a male; in even signs, and gone to even navāṃśas, ⟨they cause the birth⟩ of females.

बलिनौ विषमेऽर्कगुरू नरं स्त्रियं समगृहे कुजेन्दुसिताः । यमलं द्विशरीरांशेष्विन्दुजदृष्टाः स्वपक्षसमम्

balinau viṣame'rkagurū naraṃ striyaṃ samagṛhe kujendusitāḥ | yamalaṃ dviśarīrāṃśeṣvindujadṛṣṭāḥ svapakṣasamam

The Sun and Jupiter, strong, in an odd sign ⟨give⟩ a male; Mars, the Moon and Venus in an even sign, a female. In two-bodied (dviśarīra) navāṃśas, and aspected by Mercury (induja), ⟨they give⟩ twins — of the same sex as their own side.

लग्नाद्विषमोपगतः शनैश्चरः पुत्रजन्मदो भवति । निगदितयोगबलाबलमवलोक्य विनिश्चयो वाच्यः

lagnādviṣamopagataḥ śanaiścaraḥ putrajanmado bhavati | nigaditayogabalābalamavalokya viniścayo vācyaḥ

Saturn (śanaiścara), gone to an odd ⟨place⟩ from the lagna, gives the birth of a son. Having looked to the strength and weakness of the yogas that have been stated, the conclusion is to be declared.

गुरुशशिरवयः सत्त्वं रजः सितज्ञौ तमोऽर्कसुतभौमौ । एतेऽन्तरात्मनि स्वां प्रकृतिं जन्तोः प्रयच्छन्ति

guruśaśiravayaḥ sattvaṃ rajaḥ sitajñau tamo'rkasutabhaumau | ete'ntarātmani svāṃ prakṛtiṃ jantoḥ prayacchanti

Jupiter, the Moon and the Sun ⟨confer⟩ sattva; Venus and Mercury, rajas; the Sun's son ⟨Saturn⟩ and Mars, tamas. These bestow their own nature (prakṛti) upon the inner self of a living creature.

सत्त्वं रजस्तमो वा त्रिंशांशे यस्य भास्करस्तादृक् । बलिनः सदृशी मूर्तिर्बुध्वा वा जातिकुलदेशान्

sattvaṃ rajastamo vā triṃśāṃśe yasya bhāskarastādṛk | balinaḥ sadṛśī mūrtirbudhvā vā jātikuladeśān

In whosever triṃśāṃśa the Sun ⟨stands⟩ — sattva, rajas or tamas — of that kind ⟨is the nature⟩. The bodily form resembles ⟨that of⟩ the strongest ⟨graha⟩; or ⟨it is to be declared⟩ after taking into account the birth-class, the family and the country.

पूर्वविलग्ने यादृग् नव भागस्तादृशी भवति मूर्तिः । यो वा ग्रहो बलिष्ठस्तत्काले तादृशी वाच्या

pūrvavilagne yādṛg nava bhāgastādṛśī bhavati mūrtiḥ | yo vā graho baliṣṭhastatkāle tādṛśī vācyā

Of whatever kind the navāṃśa in the eastern ascendant (lagna) is, of that kind is the bodily form; or ⟨the form⟩ is to be declared like that of whichever graha is strongest at that time.

चन्द्रे लग्नमपश्यति मध्ये वा शुक्रसौम्ययोश्चन्द्रे । जन्म परोक्षस्य पितुर्यमोदये वा कुजे वाऽस्ते

candre lagnamapaśyati madhye vā śukrasaumyayoścandre | janma parokṣasya pituryamodaye vā kuje vā'ste

⟨If⟩ the Moon does not aspect the ascendant (lagna), or ⟨if⟩ the Moon is in the middle of Venus and Mercury, the birth is ⟨that of a child⟩ whose father is out of sight; likewise ⟨if⟩ Saturn (yama) is in the ascendant, or Mars in the 7th (asta, the setting place).

पापयुतोऽर्कः सेन्दुः पश्यति होरां न चन्द्रमपि जीवः । पश्यति सार्कं नेन्दुं यदि जीवो वा परैर्जातः

pāpayuto'rkaḥ senduḥ paśyati horāṃ na candramapi jīvaḥ | paśyati sārkaṃ nenduṃ yadi jīvo vā parairjātaḥ

⟨If⟩ the Sun, joined with a malefic and accompanied by the Moon, aspects the horā (the ascendant), and Jupiter does not aspect the Moon; ⟨or if⟩ Jupiter aspects neither ⟨the Moon⟩ together with the Sun nor the Moon ⟨alone⟩ — ⟨the child is⟩ begotten by another.

द्वारं वास्तुनि केन्द्रोपगाद् ग्रहादसति वा विलग्नर्क्षात् । दीपोऽर्कादुदयाद् वर्तिरिन्दुतः स्नेहनिर्देशः

dvāraṃ vāstuni kendropagād grahādasati vā vilagnarkṣāt | dīpo'rkādudayād vartirindutaḥ snehanirdeśaḥ

The door of the dwelling ⟨is inferred⟩ from a graha occupying a kendra, or, when there is none, from the sign of the ascendant. The lamp ⟨is known⟩ from the Sun, the wick from the rising ⟨sign⟩, and the reckoning of the oil from the Moon.

अदृढं नवमथ दग्धं चित्रं सुदृढं मनोरमं जीर्णम् । गृहमर्कादिकवीर्यात् प्रतिभवनं सन्निकृष्टैश्च

adṛḍhaṃ navamatha dagdhaṃ citraṃ sudṛḍhaṃ manoramaṃ jīrṇam | gṛhamarkādikavīryāt pratibhavanaṃ sannikṛṣṭaiśca

Unsound, new, burnt, variegated, very solid, charming, ⟨and⟩ decayed — the house ⟨is judged⟩ from the strength of the Sun and the rest ⟨in that order⟩; and the master's dwelling ⟨is judged⟩ by the ⟨grahas⟩ standing close by.

गुरुरुच्चो दशमस्थो द्वित्रिचतुर्भूमिकं करोति गृहम् । धनुषि सबलस्त्रिशालं द्विशालमन्येषु यमलेषु

gururucco daśamastho dvitricaturbhūmikaṃ karoti gṛham | dhanuṣi sabalastriśālaṃ dviśālamanyeṣu yamaleṣu

Jupiter exalted and standing in the 10th makes a house of two, three or four storeys. Strong in Sagittarius ⟨he makes⟩ a three-halled house (triśāla), and a two-halled one (dviśāla) in the other dual (yamala) signs.

षट्त्रिनवान्त्याः पादाः खट्वाङ्गान्यन्तरालभवनानि । विनतत्वं यमलर्क्षैः क्रूरैस्तत्तुल्य उपघातः

ṣaṭtrinavāntyāḥ pādāḥ khaṭvāṅgānyantarālabhavanāni | vinatatvaṃ yamalarkṣaiḥ krūraistattulya upaghātaḥ

The 6th, the 3rd, the 9th and the last ⟨houses are⟩ the legs ⟨of the bedstead⟩; the houses lying between them are its frame-pieces (khaṭvāṅga). Dual (yamala) signs ⟨make the part⟩ bent; from malefics, damage to the part answering to them.

छागे सिंहे वृषे लग्ने तत्स्थे सौरेऽथवा कुजे । राश्यंशसदृशे गात्रे जायते नालवेष्टितः

chāge siṃhe vṛṣe lagne tatsthe saure'thavā kuje | rāśyaṃśasadṛśe gātre jāyate nālaveṣṭitaḥ

When Aries (chāga, 'the goat'), Leo or Taurus is the ascendant, and Saturn or Mars stands in it, ⟨the child⟩ is born with the cord wound about the limb answering to the rāśi and its ⟨navā⟩ṃśa.

ज्ञेयानि ताम्रमणिहेमशुक्तिरौप्याणि मौक्तिकं लोहम् । अर्काद्यैर्बलवद्भिः स्वस्थाने हेम जीवेऽपि

jñeyāni tāmramaṇihemaśuktiraupyāṇi mauktikaṃ loham | arkādyairbalavadbhiḥ svasthāne hema jīve'pi

Copper, gem, gold, shell, silver, pearl ⟨and⟩ iron are to be known ⟨from⟩ the Sun and the rest when they are strong; ⟨a graha⟩ in its own place ⟨gives⟩ gold, and so does Jupiter.

शशिलग्नान्तरसंस्थग्रहतुल्याश्चोपसूतिका ज्ञेयाः । उदगर्धेऽभ्यन्तरगा बाह्याश्चक्रस्य दृश्येऽर्धे

śaśilagnāntarasaṃsthagrahatulyāścopasūtikā jñeyāḥ | udagardhe'bhyantaragā bāhyāścakrasya dṛśye'rdhe

The women attending the lying-in (upasūtikā) are to be known as resembling the grahas that stand in the interval between the Moon and the ascendant. Those in the northern half are within ⟨the chamber⟩; those in the visible half of the circle are outside.

षष्ठेऽष्टमेऽपि चन्द्रः सद्यो मरणाय पापसन्दृष्टः । अष्टाभिः शुभदृष्टो वर्षैर्मिश्रैस्तदर्धेन

ṣaṣṭhe'ṣṭame'pi candraḥ sadyo maraṇāya pāpasandṛṣṭaḥ | aṣṭābhiḥ śubhadṛṣṭo varṣairmiśraistadardhena

The Moon in the sixth, or in the eighth as well, aspected by malefics, ⟨makes⟩ for death at once; aspected by benefics, ⟨death⟩ in eight years; by mixed ⟨aspects⟩, in half of that ⟨four years⟩.

शशिवत्सौम्याः पापैर्वक्रिभिरवलोकिता न शुभदृष्टाः । मासेन मरणदाः स्युः पापजितो लग्नपश्चास्ते

śaśivatsaumyāḥ pāpairvakribhiravalokitā na śubhadṛṣṭāḥ | māsena maraṇadāḥ syuḥ pāpajito lagnapaścāste

Benefics ⟨so placed⟩ like the Moon, looked upon by retrograde malefics and not aspected by benefics, become givers of death within a month; and ⟨so does⟩ the lord of the lagna, vanquished by malefics, when it stands in the setting place ⟨the seventh⟩.

राश्यन्तस्थैः पापैः सन्ध्यायां हिममयूखहोरायाम् । मृत्युः प्रत्येकस्थैः केन्द्रेषु शशाङ्कपापैश्च

rāśyantasthaiḥ pāpaiḥ sandhyāyāṃ himamayūkhahorāyām | mṛtyuḥ pratyekasthaiḥ kendreṣu śaśāṅkapāpaiśca

Death, ⟨at a birth⟩ with malefics standing at the end of a sign, at twilight, in the horā of the cold-rayed one ⟨the Moon⟩; and ⟨likewise⟩ when the Moon and the malefics stand one in each of the kendras.

चक्रप्राक्पश्चार्धे पापशुभैः कीटभोदये मृत्युः । निधनचतुष्टयगैर्वा क्रूरैः क्षीणे शशिन्युदये

cakraprākpaścārdhe pāpaśubhaiḥ kīṭabhodaye mṛtyuḥ | nidhanacatuṣṭayagairvā krūraiḥ kṣīṇe śaśinyudaye

Death, when malefics are in the eastern half of the wheel and benefics in the western, and the insect-sign ⟨Scorpio⟩ rises; or when malefics occupy the eighth and the four ⟨kendras⟩ while the waning Moon is in the ascendant.

सप्ताष्टान्त्योदयगे शशिनि सपापे शुभेक्षणवियुक्ते । न च कण्टकेऽस्ति कश्चिच्छुभस्तदा मृत्युरादेश्यः

saptāṣṭāntyodayage śaśini sapāpe śubhekṣaṇaviyukte | na ca kaṇṭake'sti kaścicchubhastadā mṛtyurādeśyaḥ

When the Moon is in the seventh, the eighth, the last ⟨the twelfth⟩ or the ascendant, together with a malefic and bereft of benefic aspect, and there is no benefic whatever in a kaṇṭaka ⟨an angle⟩ — then death is to be declared.

चतुरस्रे सप्तमगः पापान्तस्थः शशी मरणदाता । उदयगतो वा चन्द्रः सप्तमराशिस्थितैः पापैः

caturasre saptamagaḥ pāpāntasthaḥ śaśī maraṇadātā | udayagato vā candraḥ saptamarāśisthitaiḥ pāpaiḥ

The Moon in a caturasra ⟨the fourth or the eighth⟩, or gone to the seventh, standing between malefics, is a giver of death; or the Moon gone to the ascendant, with malefics stationed in the seventh sign.

क्षीणेन्दौ द्वादशगे लग्नाष्टमराशिसंस्थितैः पापैः । सौम्यरहिते च केन्द्रे सद्यो मृत्युर्विनिर्देश्यः

kṣīṇendau dvādaśage lagnāṣṭamarāśisaṃsthitaiḥ pāpaiḥ | saumyarahite ca kendre sadyo mṛtyurvinirdeśyaḥ

When the waning Moon is in the twelfth, with malefics stationed in the lagna and in the eighth sign, and the kendra is devoid of benefics, immediate death is to be pronounced.

सोपप्लवे शशाङ्के सक्रूरे लग्नगे कुजेऽष्टमगे । मृत्युर्मात्रा सार्धं चन्द्रवदर्के च शस्त्रेण

sopaplave śaśāṅke sakrūre lagnage kuje'ṣṭamage | mṛtyurmātrā sārdhaṃ candravadarke ca śastreṇa

When the eclipse-stricken Moon, together with a malefic, is in the ascendant and Mars is in the eighth, death ⟨comes⟩ along with the mother; and with the Sun ⟨placed⟩ as the Moon was, ⟨death⟩ by a weapon.

लग्न-द्वादश-नवमाऽष्टमसंस्थैश्चन्द्र-सौरि-सूर्याऽऽरैः । जातस्य भवति मरणं यदि न बलयुतः पतिर्वचसाम्

lagna-dvādaśa-navamā'ṣṭamasaṃsthaiścandra-sauri-sūryā''raiḥ | jātasya bhavati maraṇaṃ yadi na balayutaḥ patirvacasām

By the Moon, Saturn, the Sun and Mars standing respectively in the lagna, the twelfth, the ninth and the eighth, death befalls the one born — unless the lord of speech ⟨Jupiter⟩ is possessed of strength.

सुतमदननवान्त्यलग्नरन्ध्रेष्वशुभयुतो मरणाय शीतरश्मिः । भृगुसुतशशिपुत्रदेवपूज्यैर्यदि बलिभिर्न युतोऽवलोकितो वा

sutamadananavāntyalagnarandhreṣvaśubhayuto maraṇāya śītaraśmiḥ | bhṛgusutaśaśiputradevapūjyairyadi balibhirna yuto'valokito vā

The cool-rayed one ⟨the Moon⟩, joined with an inauspicious ⟨graha⟩ in the fifth, the seventh, the ninth, the last ⟨the twelfth⟩, the lagna or the eighth, makes for death — if it is not joined with, or aspected by, a strong Venus, Mercury and Jupiter.

योगे स्थानं गतवति बलिनश्चन्द्रे स्वं वा तनुगृहमथवा । पापैर्दृष्टे बलवति मरणं वर्षस्यान्तः किल मुनिगदितम्

yoge sthānaṃ gatavati balinaścandre svaṃ vā tanugṛhamathavā | pāpairdṛṣṭe balavati maraṇaṃ varṣasyāntaḥ kila munigaditam

When the Moon, ⟨standing⟩ in a yoga, has gone to the place of a strong ⟨graha⟩, or to its own, or else to the body-house ⟨the lagna⟩, and is aspected by a strong malefic, death within the year — so, indeed, the sage has declared.

सर्वानिमानतिबलः स्फुरदंशुजालो लग्नस्थितः प्रशमयेत् सुरराजमन्त्री । एको बहूनि दुरितानि सुदुस्तराणि भक्त्या प्रयुक्त इव शूलधरप्रणामः

sarvānimānatibalaḥ sphuradaṃśujālo lagnasthitaḥ praśamayet surarājamantrī | eko bahūni duritāni sudustarāṇi bhaktyā prayukta iva śūladharapraṇāmaḥ

The counsellor of the king of the gods ⟨Jupiter⟩, exceedingly strong, his net of rays flashing, standing in the lagna, quells all these ⟨ariṣṭa-yogas⟩ — as a single obeisance to the Trident-bearer ⟨Śiva⟩, offered with devotion, ⟨quells⟩ many sins that are very hard to cross.

लग्नाधिपोऽतिबलवानशुभैरदृष्टः केन्द्रस्थितैः शुभखगैरवलोक्यमानः । मृत्युं विधूय विदधाति सुदीर्घमायुः सार्धं गुणैर्बहुभिरूर्जितया च लक्ष्म्या

lagnādhipo'tibalavānaśubhairadṛṣṭaḥ kendrasthitaiḥ śubhakhagairavalokyamānaḥ | mṛtyuṃ vidhūya vidadhāti sudīrghamāyuḥ sārdhaṃ guṇairbahubhirūrjitayā ca lakṣmyā

The lord of the lagna, exceedingly strong, unaspected by malefics and aspected by benefic grahas standing in kendras, shakes off death and grants a very long life, together with many virtues and with vigorous fortune.

लग्नादष्टमवर्त्यपि बुधगुरुभार्गवदृकाणगश्चन्द्रः । मृत्युं प्राप्तमपि नरं परिरक्षत्येव निर्व्याजम्

lagnādaṣṭamavartyapi budhagurubhārgavadṛkāṇagaścandraḥ | mṛtyuṃ prāptamapi naraṃ parirakṣatyeva nirvyājam

Even though the Moon dwells in the eighth from the lagna, if he stands in a drekkāṇa (decanate) of Mercury, Jupiter or Venus, he unfailingly protects the man even when death has already come upon him.

चन्द्रः सम्पूर्णतनुः सौम्यर्क्षगतः स्थितः शुभस्यान्तः । प्रकरोति रिष्टभङ्गं विशेषतः शुक्रसन्दृष्टः

candraḥ sampūrṇatanuḥ saumyarkṣagataḥ sthitaḥ śubhasyāntaḥ | prakaroti riṣṭabhaṅgaṃ viśeṣataḥ śukrasandṛṣṭaḥ

The Moon with his body full ⟨his disc undiminished⟩, gone to a benefic's sign and placed within a benefic ⟨sign⟩, effects the breaking of the ariṣṭa — especially when aspected by Venus.

बुधभार्गवजीवानामेकतमः केन्द्रमागतो बलवान् । क्रूरसहायो यद्यपि सद्यो रिष्टस्य भङ्गाय

budhabhārgavajīvānāmekatamaḥ kendramāgato balavān | krūrasahāyo yadyapi sadyo riṣṭasya bhaṅgāya

Any one of Mercury, Venus and Jupiter, strong and come to a kendra, at once suffices for the breaking of the ariṣṭa — even if he has a malefic for company.

रिपुभवनगतोऽपि शशी गुरुसितचन्द्रात्मजदृक्काणस्थः । गरुड इव भोगिदष्टं परिरक्षत्येव निर्व्याजम्

ripubhavanagato'pi śaśī gurusitacandrātmajadṛkkāṇasthaḥ | garuḍa iva bhogidaṣṭaṃ parirakṣatyeva nirvyājam

Even though gone to the 6th house (ripu-bhavana), the Moon, if he stands in a drekkāṇa of Jupiter, Venus or Mercury, unfailingly protects ⟨the native⟩, as Garuḍa ⟨protects⟩ one bitten by a snake.

सौम्यद्वयमध्यगतः सम्पूर्णः स्निग्धमण्डलः शशभृत् । निःशेषारिष्टहन्ता भुजङ्गलोकस्य गरुड इव

saumyadvayamadhyagataḥ sampūrṇaḥ snigdhamaṇḍalaḥ śaśabhṛt | niḥśeṣāriṣṭahantā bhujaṅgalokasya garuḍa iva

The Moon, gone to the middle of two benefics, full, his orb glossy, is the destroyer of ariṣṭa without remainder — as Garuḍa is of the world of serpents.

शशभृति पूर्णशरीरे शुक्ले पक्षे निशाभवे काले । रिपुनिधनस्थे रिष्टं प्रभवति नैवात्र जातस्य

śaśabhṛti pūrṇaśarīre śukle pakṣe niśābhave kāle | ripunidhanasthe riṣṭaṃ prabhavati naivātra jātasya

When the Moon is full-bodied, ⟨the birth falls⟩ in the bright fortnight and at a time born of night, then, though he stands in the 6th or the 8th house, ariṣṭa has no power at all over one born then.

प्रस्फुरितकिरणजाले स्निग्धामलमण्डले बलोपेते । सुरमन्त्रिणि केन्द्रगते सर्वारिष्टं शमं याति

prasphuritakiraṇajāle snigdhāmalamaṇḍale balopete | suramantriṇi kendragate sarvāriṣṭaṃ śamaṃ yāti

When the counsellor of the gods ⟨Jupiter⟩, his net of rays flashing forth, his orb glossy and spotless, endowed with strength, has gone to a kendra, all ariṣṭa comes to rest.

सौम्यभवनोपयाताः सौम्यांशकगाः सौम्यदृकाणस्थाः । गुरुचन्द्रकाव्यशशिजाः सर्वेऽरिष्टस्य हन्तारः

saumyabhavanopayātāḥ saumyāṃśakagāḥ saumyadṛkāṇasthāḥ | gurucandrakāvyaśaśijāḥ sarve'riṣṭasya hantāraḥ

Come to the signs of benefics, occupying benefic aṃśas, standing in benefic drekkāṇas — Jupiter, the Moon, Venus and Mercury are all destroyers of ariṣṭa.

चन्द्राध्यासितराशेरधिपः केन्द्रे शुभग्रहो वापि । प्रशमयति रिष्टयोगं पापानि यथा हरिस्मरणम्

candrādhyāsitarāśeradhipaḥ kendre śubhagraho vāpi | praśamayati riṣṭayogaṃ pāpāni yathā harismaraṇam

The lord of the sign occupied by the Moon, or else any benefic graha, standing in a kendra, quells the ariṣṭa-yoga, as the remembrance of Hari ⟨quells⟩ sins.

पापा यदि शुभवर्गे सौम्यैर्दृष्टाः शुभेशवर्गस्थैः । निघ्नन्ति तदा रिष्टं पतिं विरक्ता यथा युवतिः

pāpā yadi śubhavarge saumyairdṛṣṭāḥ śubheśavargasthaiḥ | nighnanti tadā riṣṭaṃ patiṃ viraktā yathā yuvatiḥ

If malefics stand in a benefic's varga ⟨divisional sign⟩ and are aspected by benefics that themselves stand in the varga of a benefic lord, then they slay the ariṣṭa — as a young woman grown averse ⟨slays⟩ her husband.

राहुस्त्रिषष्ठलाभे लग्नात् सौम्यैर्निरीक्षितः सद्यः । नाशयति सर्वदुरितं मारुत इव तूलसङ्घातम्

rāhustriṣaṣṭhalābhe lagnāt saumyairnirīkṣitaḥ sadyaḥ | nāśayati sarvaduritaṃ māruta iva tūlasaṅghātam

Rāhu in the 3rd, the 6th or the 11th (lābha) from the lagna, aspected by benefics, at once destroys all evil, as the wind ⟨destroys⟩ a heap of cotton.

शीर्षोदयेषु राशिषु सर्वे गगनाधिवासिनः सूतौ । प्रकृतिस्थञ्चारिष्टं विलीयते घृतमिवाग्निस्थम्

śīrṣodayeṣu rāśiṣu sarve gaganādhivāsinaḥ sūtau | prakṛtisthañcāriṣṭaṃ vilīyate ghṛtamivāgnistham

⟨When⟩ at the birth all the dwellers in the sky ⟨the grahas⟩ are in head-rising signs (śīrṣodaya), the ariṣṭa, ⟨though⟩ seated in its own nature, melts away like ghee set upon fire.

तत्काले यदि विजयी शुभग्रहः शुभनिरीक्षितोऽवश्यम् । नाशयति सर्वरिष्टं मारुत इव पादपान् प्रबलः

tatkāle yadi vijayī śubhagrahaḥ śubhanirīkṣito'vaśyam | nāśayati sarvariṣṭaṃ māruta iva pādapān prabalaḥ

If at that time a benefic graha is the victor and is aspected by a benefic, it assuredly destroys all ariṣṭa, as a powerful wind ⟨destroys⟩ trees.

पक्षे सिते भवति जन्म यदि क्षपायां कृष्णे तथाऽहनि शुभाशुभदृश्यमानः । तं चन्द्रमा रिपुविनाशगतोऽपि यत्नादापत्सु रक्षति पितेव शिशुं न हन्ति

pakṣe site bhavati janma yadi kṣapāyāṃ kṛṣṇe tathā'hani śubhāśubhadṛśyamānaḥ | taṃ candramā ripuvināśagato'pi yatnādāpatsu rakṣati piteva śiśuṃ na hanti

If the birth falls in the bright fortnight by night, and likewise in the dark ⟨fortnight⟩ by day, then the Moon — aspected by benefics ⟨or⟩ malefics, and even though gone to the 6th or the 8th house — guards him with effort in calamities, as a father his infant, and does not slay him.

राश्यंशकला गुणिता द्वादशनवभिर्ग्रहस्य भगणेभ्यः । द्वादशहृतावशेषेऽब्दमासदिननाडिकाः क्रमशः

rāśyaṃśakalā guṇitā dvādaśanavabhirgrahasya bhagaṇebhyaḥ | dvādaśahṛtāvaśeṣe'bdamāsadinanāḍikāḥ kramaśaḥ

The signs, degrees and minutes ⟨of a graha's longitude⟩, multiplied by twelve nines ⟨that is, by 108⟩ — then from the graha's ⟨resulting⟩ bhagaṇas, divided by twelve, in the remainder ⟨stand⟩ the years, months, days and nāḍikās, in order.

होरादायोऽप्येवं बलयुक्ताऽन्यानि राशितुल्यानि । वर्षाणि संप्रयच्छत्यनुपाताच्चांशकादिफलम्

horādāyo'pyevaṃ balayuktā'nyāni rāśitulyāni | varṣāṇi saṃprayacchatyanupātāccāṃśakādiphalam

The horā's allotment too ⟨is reckoned⟩ in this same way. ⟨And the horā⟩ joined with strength gives other years equal to the ⟨number of⟩ signs ⟨it has passed⟩, and by proportion the fruit of the degrees and the rest.

वर्गोत्तमस्वराशिद्रेष्काणनवांशके सकृद्द्विगुणम् । वक्रोच्चयोस्त्रिगुणितं द्वित्रिगुणत्वे सकृत् त्रिगुणम्

vargottamasvarāśidreṣkāṇanavāṃśake sakṛddviguṇam | vakroccayostriguṇitaṃ dvitriguṇatve sakṛt triguṇam

⟨A graha⟩ in vargottama, in its own rāśi, in its own drekkāṇa ⟨or⟩ in its own navāṃśa — ⟨its allotment is⟩ doubled, once ⟨only⟩. For a retrograde ⟨graha⟩ and one in exaltation, ⟨it is⟩ tripled. When both the doubling and the tripling ⟨fall due⟩, ⟨it is⟩ tripled once ⟨only⟩.

त्र्यंशमवक्रो रिपुभे नीचेऽर्धं सूर्यलुप्तकिरणश्च । क्षपयति स्वायुर्दायान्नास्तं यातौ रविजशुक्रौ

tryaṃśamavakro ripubhe nīce'rdhaṃ sūryaluptakiraṇaśca | kṣapayati svāyurdāyānnāstaṃ yātau ravijaśukrau

A non-retrograde ⟨graha⟩ in an enemy's sign ⟨destroys⟩ a third; in debilitation, a half; and so does one whose rays are extinguished by the Sun — ⟨each⟩ destroys ⟨that much⟩ out of its own āyurdāya. Saturn and Venus, ⟨though⟩ gone to setting, do not.

सर्वार्धत्रिचतुर्थेन्द्रियर्तुभागान् व्ययाद्धरन्त्यशुभाः । सन्तोऽर्धमतो वामं बलवानेकर्क्षगेष्वेकः

sarvārdhatricaturthendriyartubhāgān vyayāddharantyaśubhāḥ | santo'rdhamato vāmaṃ balavānekarkṣageṣvekaḥ

The malefics, ⟨standing⟩ from the 12th house ⟨and⟩ in the contrary order, take away the whole, a half, a third, a fourth, a fifth and a sixth part ⟨of their own allotment⟩; the benefics, half of that. Among ⟨grahas⟩ occupying one and the same sign, the strongest one ⟨alone takes away⟩.

शोध्यक्षेपविशुद्धः कालो यो येन जीविते दत्तः । स विचिन्त्या तस्य दशा स्वदशासु फलप्रदाः सर्वे

śodhyakṣepaviśuddhaḥ kālo yo yena jīvite dattaḥ | sa vicintyā tasya daśā svadaśāsu phalapradāḥ sarve

The span of time which, purified by the deductions ⟨and⟩ additions ⟨prescribed in the chapter on the length of life⟩, is given by any ⟨graha⟩ towards the life ⟨of the native⟩ — that is to be reckoned as that ⟨graha's⟩ daśā; all ⟨the grahas⟩ bestow their fruits during their own daśās.

लग्नार्कशशाङ्कानां यो बलवांस्तद्दशा भवेत् प्रथमा । तत्केन्द्रपणफरापोक्लीमगतानां बलाच्छेषाः

lagnārkaśaśāṅkānāṃ yo balavāṃstaddaśā bhavet prathamā | tatkendrapaṇapharāpoklīmagatānāṃ balāccheṣāḥ

Of the lagna, the Sun and the Moon, whichever is the strongest — its daśā is the first. The remaining ⟨daśās⟩ are those of the ⟨grahas⟩ standing, reckoned from that one, in the kendras, the paṇapharas and the āpoklimas, ⟨in order⟩ by strength.

मित्रोच्चस्वगृहांशोपगतानां शोभना दशाः सर्वाः । स्वोच्चाभिलाषिणामपि न तु कथितविपर्ययस्थानाम्

mitroccasvagṛhāṃśopagatānāṃ śobhanā daśāḥ sarvāḥ | svoccābhilāṣiṇāmapi na tu kathitaviparyayasthānām

All the daśās of ⟨grahas⟩ that have gone into a friend's ⟨sign⟩, into exaltation, into their own house or into their own aṃśa are auspicious — and so too of those that are ⟨still⟩ striving towards their own exaltation; but not ⟨the daśās⟩ of those placed in the reverse of what has been stated.

होरादशा दृकाणैः पूजितमध्याधमा चरे क्रमशः । द्विशरीरे विपरीता स्थिरे तु पापेष्टमध्यफला

horādaśā dṛkāṇaiḥ pūjitamadhyādhamā care kramaśaḥ | dviśarīre viparītā sthire tu pāpeṣṭamadhyaphalā

The daśā of the horā ⟨the ascendant⟩ is, by ⟨its three⟩ drekkāṇas, in a movable ⟨sign⟩ successively honoured, middling and lowest; in a two-bodied ⟨sign⟩ the reverse; but in a fixed ⟨sign⟩ its fruits are evil, desirable and middling.

एकर्क्षेऽर्धं त्र्यंशं त्रिकोणयोः सप्तमे तु सप्तांशम् । चतुरस्रयोस्तु पादं पाचयति गतो ग्रहः स्वगुणैः

ekarkṣe'rdhaṃ tryaṃśaṃ trikoṇayoḥ saptame tu saptāṃśam | caturasrayostu pādaṃ pācayati gato grahaḥ svaguṇaiḥ

A graha that has gone into the same sign ripens, by its own qualities, half ⟨the fruit⟩; in the two trikoṇas, a third; in the seventh, a seventh; but in the two caturasras ⟨the 4th and the 8th⟩, a quarter.

भागाः सदृशच्छेदैर्विवर्जिताः संयुता दशाच्छेदाः । प्रत्यंशा गुणकाराः पृथक् पृथक् चान्तर्दशास्ताः

bhāgāḥ sadṛśacchedairvivarjitāḥ saṃyutā daśācchedāḥ | pratyaṃśā guṇakārāḥ pṛthak pṛthak cāntardaśāstāḥ

The numerators, stripped of their denominators once these have been made alike, are — when added together — the divisor of the daśā; and the several numerators, each taken separately, are the multipliers. Those ⟨results⟩ are the antardaśās.

केन्द्रायाष्टद्विनवस्वर्कः स्वादार्किभौमतश्च शुभः । षट्सप्तान्त्येषु सितात् षडायधीधर्मगो जीवात्

kendrāyāṣṭadvinavasvarkaḥ svādārkibhaumataśca śubhaḥ | ṣaṭsaptāntyeṣu sitāt ṣaḍāyadhīdharmago jīvāt

The Sun ⟨is⟩ auspicious in the kendras (1st, 4th, 7th, 10th), the 11th, the 8th, the 2nd and the 9th — ⟨reckoned⟩ from his own place, from Saturn and from Mars; ⟨auspicious⟩ in the 6th, 7th and 12th from Venus; and, from Jupiter, standing in the 6th, 11th, 5th and 9th.

उपचयगोऽर्कश्चन्द्रादुपचयनवमान्त्यधीगतः सौम्यात् । लग्नादुपचयबन्धुव्ययस्थितः शोभनः प्रोक्तः

upacayago'rkaścandrādupacayanavamāntyadhīgataḥ saumyāt | lagnādupacayabandhuvyayasthitaḥ śobhanaḥ proktaḥ

From the Moon the Sun ⟨is auspicious⟩ standing in the upacayas (3rd, 6th, 10th, 11th); from Mercury, gone to the upacayas, the 9th, the 12th and the 5th; and from the lagna, placed in the upacayas, the 4th and the 12th — ⟨so⟩ is he declared fair.

शश्युपचयेषु लग्नात्साद्यमुनिः स्वात्कुजात्स्वनवधीषु । सूर्यात् साष्टस्मरगस्त्रिषडायसुतेषु सूर्यसुतात्

śaśyupacayeṣu lagnātsādyamuniḥ svātkujātsvanavadhīṣu | sūryāt sāṣṭasmaragastriṣaḍāyasuteṣu sūryasutāt

The Moon ⟨is auspicious⟩ in the upacayas (3rd, 6th, 10th, 11th) from the lagna; from her own place, in ⟨those⟩ together with the 1st and the 7th; from Mars, ⟨in those⟩ with the 2nd, the 9th and the 5th; from the Sun, going ⟨in those⟩ with the 8th and the 7th; and from Saturn, in the 3rd, 6th, 11th and 5th.

ज्ञात् केन्द्रत्रिसुतायाष्टगो गुरोर्व्ययायमृत्युकेन्द्रेषु । त्रिचतुःसुतनवदशमद्युनायगश्चन्द्रमाः शुक्रात्

jñāt kendratrisutāyāṣṭago gurorvyayāyamṛtyukendreṣu | tricatuḥsutanavadaśamadyunāyagaścandramāḥ śukrāt

From Mercury ⟨the Moon is auspicious⟩ going in the kendras (1st, 4th, 7th, 10th), the 3rd, the 5th, the 11th and the 8th; ⟨and⟩ from Jupiter, in the 12th, the 11th, the 8th and the kendras; from Venus the Moon goes ⟨well⟩ in the 3rd, 4th, 5th, 9th, 10th, 7th and 11th.

भौमः स्वादायस्वाष्टकेन्द्रगस्त्र्यायषट्सुतेषु बुधात् । जीवाद् दशाय-शत्रु-व्ययेष्विनादुपचय-सुतेषु

bhaumaḥ svādāyasvāṣṭakendragastryāyaṣaṭsuteṣu budhāt | jīvād daśāya-śatru-vyayeṣvinādupacaya-suteṣu

Mars ⟨is auspicious⟩ from his own place going in the 11th, the 2nd, the 8th and the kendras (1st, 4th, 7th, 10th); in the 3rd, 11th, 6th and 5th from Mercury; from Jupiter, in the 10th, 11th, 6th and 12th; and from the Sun, in the upacayas (3rd, 6th, 10th, 11th) and the 5th.

उदयादुपचयतनुषु त्रिषडायेष्विन्दुतः समो दशमः । भृगुतोन्त्यषडष्टायेष्वसितात् केन्द्रायनववसुषु

udayādupacayatanuṣu triṣaḍāyeṣvindutaḥ samo daśamaḥ | bhṛgutontyaṣaḍaṣṭāyeṣvasitāt kendrāyanavavasuṣu

From the ascendant ⟨Mars is auspicious⟩ in the upacayas and the 1st; from the Moon, in the 3rd, 6th and 11th — the 10th ⟨there⟩ is middling; from Venus, in the 12th, 6th, 8th and 11th; from Saturn, in the kendras (1st, 4th, 7th, 10th), the 11th, the 9th and the 8th.

सौम्योऽन्त्यषण्णवायात्मजेष्विनात् स्वात् त्रितनुदशयुतेषु । चन्द्राद्द्विरिपुदशायाष्टसुखगतः सादिषु विलग्नात्

saumyo'ntyaṣaṇṇavāyātmajeṣvināt svāt tritanudaśayuteṣu | candrāddviripudaśāyāṣṭasukhagataḥ sādiṣu vilagnāt

Mercury ⟨is auspicious⟩ in the 12th, 6th, 9th, 11th and 5th from the Sun; from his own place, in ⟨those⟩ joined with the 3rd, the 1st and the 10th; from the Moon he is gone to the 2nd, 6th, 10th, 11th, 8th and 4th; and from the ascendant it would be in ⟨those⟩ together with the 1st.

प्रथमसुखायद्विनिधनधर्मेषु सितात् त्रिधीसमेतेषु । साशास्मरेषु सौरारयोर्व्ययायरिपुवसुषु गुरोः

prathamasukhāyadvinidhanadharmeṣu sitāt tridhīsameteṣu | sāśāsmareṣu saurārayorvyayāyaripuvasuṣu guroḥ

In the 1st, the 4th, the 11th, the 2nd, the 8th and the 9th — from Venus, ⟨these⟩ together with the 3rd and the 5th; for Saturn and Mars ⟨both⟩, ⟨these⟩ together with the 10th and the 7th; and from Jupiter, in the 12th, the 11th, the 6th and the 8th.

जीवो भौमाद् द्वयायाष्टकेन्द्रगोऽर्कात् सधर्मसहजेषु । स्वात् सत्रिकेषु शुक्रान्नवदशलाभस्वधीरिपुषु

jīvo bhaumād dvayāyāṣṭakendrago'rkāt sadharmasahajeṣu | svāt satrikeṣu śukrānnavadaśalābhasvadhīripuṣu

Jupiter, from Mars, goes ⟨auspiciously⟩ in the 2nd, the 11th, the 8th and the kendras (1st, 4th, 7th, 10th); from the Sun, in ⟨those⟩ together with the 9th and the 3rd; from his own place, in ⟨those⟩ with the 3rd; from Venus, in the 9th, 10th, 11th, 2nd, 5th and 6th.

शशिनः स्वरत्रिकोणार्थलाभगस्त्रिरिपुधीव्ययेषु यमात् । नवदिक्सुखाद्यधीस्वायशत्रुषु ज्ञात् सकामगो लग्नात्

śaśinaḥ svaratrikoṇārthalābhagastriripudhīvyayeṣu yamāt | navadiksukhādyadhīsvāyaśatruṣu jñāt sakāmago lagnāt

From the Moon ⟨Jupiter⟩ goes ⟨auspiciously⟩ in the 7th, the trines ⟨5th and 9th⟩, the 2nd and the 11th; from Saturn, in the 3rd, the 6th, the 5th and the 12th; from Mercury, in the 9th, 10th, 4th, 1st, 5th, 2nd, 11th and 6th; and from the lagna he goes ⟨in those⟩ together with the 7th.

शुक्रो लग्नादासुतनवाष्टलाभेषु सव्ययश्चन्द्रात् । स्वात् सदिगसितात् त्रिसुखात्मजाष्टदिग्धर्मलाभेषु

śukro lagnādāsutanavāṣṭalābheṣu savyayaścandrāt | svāt sadigasitāt trisukhātmajāṣṭadigdharmalābheṣu

Venus, from the lagna, ⟨is auspicious⟩ in ⟨the houses⟩ up to the 5th ⟨that is, the 1st through the 5th⟩, and in the 9th, the 8th and the 11th; from the Moon, with the 12th ⟨added⟩; from his own place, with the 10th ⟨added⟩; from Saturn, in the 3rd, 4th, 5th, 8th, 10th, 9th and 11th.

वस्वन्त्यायेष्वर्कान्नवदिग्लाभाष्टधीस्थितो जीवात् । ज्ञात् त्रिसुतनवायारिष्वायसुतापोऽक्लिमेषु कुजात्

vasvantyāyeṣvarkānnavadiglābhāṣṭadhīsthito jīvāt | jñāt trisutanavāyāriṣvāyasutāpo'klimeṣu kujāt

From the Sun ⟨Venus is auspicious⟩ in the 8th, the 12th and the 11th; from Jupiter, standing in the 9th, the 10th, the 11th, the 8th and the 5th; from Mercury, in the 3rd, 5th, 9th, 11th and 6th; from Mars, in the 11th, the 5th and the apoklimas ⟨3rd, 6th, 9th, 12th⟩.

स्वात् सौरिस्त्रिसुतायारिगः कुजादन्त्यकर्मसहितेषु । स्वायाष्टकेन्द्रगोऽर्काच्छुक्रात् षष्ठान्त्यलाभेषु

svāt sauristrisutāyārigaḥ kujādantyakarmasahiteṣu | svāyāṣṭakendrago'rkācchukrāt ṣaṣṭhāntyalābheṣu

Saturn, from his own place, goes ⟨auspiciously⟩ in the 3rd, the 5th, the 11th and the 6th; from Mars, in ⟨those⟩ together with the 12th and the 10th; from the Sun, going in the 2nd, the 11th, the 8th and the kendras (1st, 4th, 7th, 10th); from Venus, in the 6th, the 12th and the 11th.

त्रिषडायगः शशाङ्कादुदयात् ससुखाद्यकर्मगोऽथ गुरोः । सुतषट्व्ययायगो ज्ञात् व्ययायरिपुदिङ्नवाष्टस्थः

triṣaḍāyagaḥ śaśāṅkādudayāt sasukhādyakarmago'tha guroḥ | sutaṣaṭvyayāyago jñāt vyayāyaripudiṅnavāṣṭasthaḥ

⟨Saturn⟩ goes ⟨auspiciously⟩ in the 3rd, the 6th and the 11th from the Moon; from the ascendant, going ⟨in those⟩ together with the 4th, the 1st and the 10th; then from Jupiter, going in the 5th, the 6th, the 12th and the 11th; from Mercury, standing in the 12th, the 11th, the 6th, the 10th, the 9th and the 8th.

स्थानेष्वेतेषु शुभाः शेषेष्वहिता भवन्ति चाष्टानाम् । अशुभशुभविशेषफलं ग्रहाः प्रयच्छन्ति चारगताः

sthāneṣveteṣu śubhāḥ śeṣeṣvahitā bhavanti cāṣṭānām | aśubhaśubhaviśeṣaphalaṃ grahāḥ prayacchanti cāragatāḥ

In these places ⟨the grahas⟩ are auspicious; in the remaining ones they are adverse — ⟨and this holds⟩ for the eight ⟨reckonings⟩. Moving in transit, the grahas bestow a result specifically inauspicious or auspicious ⟨accordingly⟩.

रविवर्ज्यं द्वादशगैरनफा चन्द्राद्द्वितीयगैः सुनफा । उभयस्थितैर्दुरुधरा केमद्रुमसंज्ञकोऽतोऽन्यः

ravivarjyaṃ dvādaśagairanaphā candrāddvitīyagaiḥ sunaphā | ubhayasthitairdurudharā kemadrumasaṃjñako'to'nyaḥ

Excluding the Sun, ⟨grahas⟩ placed in the twelfth from the Moon ⟨make⟩ Anaphā; those placed in the second from the Moon, Sunaphā; those standing in both, Durudharā. Anything other than this is called Kemadruma.

सच्छीलं विषयसुखान्वितं प्रभुं ख्यातियुक्तमनफायाम् । सुनफायां धीधनकीर्तियुक्तमात्मार्जितैश्वर्यम्

sacchīlaṃ viṣayasukhānvitaṃ prabhuṃ khyātiyuktamanaphāyām | sunaphāyāṃ dhīdhanakīrtiyuktamātmārjitaiśvaryam

In Anaphā ⟨the native is⟩ of good character, endowed with the pleasures of the senses, a master ⟨of others⟩, and possessed of renown. In Sunaphā, endowed with intelligence, wealth and fame, and with self-acquired lordship.

बहुभृत्यकुटुम्बारम्भं सुखभोगान्वितं च दौर्धरिके । भृतकं दुःखितमधनं जातं केमद्रुमे विद्यात्

bahubhṛtyakuṭumbārambhaṃ sukhabhogānvitaṃ ca daurdharike | bhṛtakaṃ duḥkhitamadhanaṃ jātaṃ kemadrume vidyāt

In Durudharā (daurdharika), ⟨the native has⟩ many servants, a large household and many undertakings, and is endowed with comforts and enjoyments. In Kemadruma one should know the native to be a hired servant, wretched, and without wealth.

भौमः शूरश्चण्डो महाधनो ज्ञानवान् बुधो निपुणः । ऋद्धः शुक्रः सुखितो गुरुर्गुणाढ्यो नृपतिपूज्यः

bhaumaḥ śūraścaṇḍo mahādhano jñānavān budho nipuṇaḥ | ṛddhaḥ śukraḥ sukhito gururguṇāḍhyo nṛpatipūjyaḥ

Mars ⟨makes the native⟩ brave, fierce, of great wealth; Mercury, possessed of knowledge and skilful; Venus, prosperous and happy; Jupiter, rich in good qualities and honoured by the king.

बह्वारम्भः सौरिर्बहुभृत्यः पूजितो गुणैर्विद्धः एषां गुणैः समगुणा ज्ञेया योगोद्भवाः पुरुषाः

bahvārambhaḥ saurirbahubhṛtyaḥ pūjito guṇairviddhaḥ eṣāṃ guṇaiḥ samaguṇā jñeyā yogodbhavāḥ puruṣāḥ

Saturn ⟨makes one⟩ of many undertakings, with many servants, honoured, ⟨and⟩ filled with good qualities. Men born of these yogas are to be known as having qualities matching the qualities of these ⟨grahas⟩.

सूर्याद्द्वितीयमृक्षं वेशिस्थानं प्रकीर्तितं यवनैः । तच्चेष्टग्रहयुक्तं जन्मनि चेष्टासु च विलग्नम्

sūryāddvitīyamṛkṣaṃ veśisthānaṃ prakīrtitaṃ yavanaiḥ | tacceṣṭagrahayuktaṃ janmani ceṣṭāsu ca vilagnam

The second sign from the Sun is proclaimed by the Yavanas to be the veśi-place; and that, when joined with a desired graha, ⟨serves as⟩ the ascendant at a birth and in undertakings.

यन्त्रज्ञं पापरतं निपुणं क्रूरं च शस्त्रवृत्तिं च । धातुज्ञं च क्रमशश्चन्द्रादिभिरन्वितः सूर्यः

yantrajñaṃ pāparataṃ nipuṇaṃ krūraṃ ca śastravṛttiṃ ca | dhātujñaṃ ca kramaśaścandrādibhiranvitaḥ sūryaḥ

The Sun joined with the Moon and the rest ⟨makes the native⟩, in order: one who knows machines; one bent on evil; skilful; cruel; one who lives by the weapon; and one who knows metals.

चन्द्रोऽङ्गारकपूर्वैः कूटज्ञं प्रश्रितं कुलाभ्यधिकम् । वस्त्रव्यवहारज्ञं क्रमेण पौनर्भवं चापि

candro'ṅgārakapūrvaiḥ kūṭajñaṃ praśritaṃ kulābhyadhikam | vastravyavahārajñaṃ krameṇa paunarbhavaṃ cāpi

The Moon, ⟨joined⟩ with Mars and the rest, ⟨makes one⟩ in order: knowing forgery and deceit; deferential; exceeding his family ⟨in standing⟩; knowing the cloth trade; and also a paunarbhava ⟨— the son of a remarried woman⟩.

मल्लो रक्षोऽन्यस्त्रीसक्तो दुःखान्वितः कुजो ज्ञाद्यैः । ज्ञो जीवाद्यैर्गीतज्ञं वाग्मिनं महेन्द्रजालज्ञम्

mallo rakṣo'nyastrīsakto duḥkhānvitaḥ kujo jñādyaiḥ | jño jīvādyairgītajñaṃ vāgminaṃ mahendrajālajñam

Mars with Mercury and the rest ⟨makes one⟩ a wrestler; a demon ⟨of a man⟩; attached to other men's women; filled with sorrow. Mercury with Jupiter and the rest ⟨makes one⟩ knowing song; eloquent; versed in great sorcery.

जीवः सितेन बहुगुणमसितेन समन्वितोऽत्र घटकारम् । स्त्रीस्वं मन्देन सितस्त्रिभिरप्येवं फलानि वदेत्

jīvaḥ sitena bahuguṇamasitena samanvito'tra ghaṭakāram | strīsvaṃ mandena sitastribhirapyevaṃ phalāni vadet

Jupiter joined with Venus ⟨makes one⟩ of many good qualities; joined with Saturn (asita), here, a potter. Venus with Saturn (manda) ⟨makes one whose⟩ wealth comes from women. With three ⟨grahas⟩ also one should declare the results in this way.

चतुरादिभिरेकस्थैः प्रव्रज्यां स्वां ग्रहः करोति बली । बहुवीर्यैस्तावत्यः प्रथमा वीर्याधिकस्यैव

caturādibhirekasthaiḥ pravrajyāṃ svāṃ grahaḥ karoti balī | bahuvīryaistāvatyaḥ prathamā vīryādhikasyaiva

When four or more ⟨grahas⟩ stand in one place, the strong graha ⟨among them⟩ brings about the renunciation (pravrajyā) proper to itself. If many are strong there are just so many ⟨renunciations⟩; the first belongs to the one greatest in strength.

तापसवृद्धश्रावकरक्तपटाजीविभिक्षुचरकाणाम् । निर्ग्रन्थानां चार्कात् पराजितैः प्रच्युतिर्बलिभिः

tāpasavṛddhaśrāvakaraktapaṭājīvibhikṣucarakāṇām | nirgranthānāṃ cārkāt parājitaiḥ pracyutirbalibhiḥ

⟨The orders are⟩ those of the tāpasa ⟨forest ascetic⟩, the vṛddha-śrāvaka, the red-robed ⟨monk⟩, the Ājīvika, the bhikṣu, the caraka, and the Nirgrantha — ⟨reckoned⟩ from the Sun; and from these there is a falling away ⟨when the graha is⟩ defeated by stronger ⟨grahas⟩.

दिनकरलुप्तमयूखैरदीक्षिता भक्तिवादिनस्तेषाम् । याचितदीक्षा बलिभिः पराजितैरन्यदृष्टैर्वा

dinakaraluptamayūkhairadīkṣitā bhaktivādinasteṣām | yācitadīkṣā balibhiḥ parājitairanyadṛṣṭairvā

By ⟨grahas⟩ whose rays are lost in the Sun ⟨that is, combust⟩, ⟨men are left⟩ uninitiated, ⟨mere⟩ professors of devotion to those ⟨orders⟩. Initiation ⟨comes only when⟩ asked for, ⟨the graha being⟩ defeated by strong ⟨grahas⟩ or aspected by others.

अस्थिरविभूतिमित्रं चलमटनं स्खलितनियममपि चरभे । स्थिरभे तद्विपरीतं क्षमान्वितं दीर्घसूत्रं च

asthiravibhūtimitraṃ calamaṭanaṃ skhalitaniyamamapi carabhe | sthirabhe tadviparītaṃ kṣamānvitaṃ dīrghasūtraṃ ca

In a movable sign ⟨the native has⟩ unsteady fortune and unsteady friends, motion, wandering, and lapsed observances. In a fixed sign the opposite of that: endowed with forbearance, and slow in carrying things through (dīrgha-sūtra).

द्विशरीरे त्यागयुतं कृतज्ञमुत्साहितं विविधचेष्टम् । ग्राम्यारण्यजलोद्भवराशिषु विद्याच्च तच्छीलान्

dviśarīre tyāgayutaṃ kṛtajñamutsāhitaṃ vividhaceṣṭam | grāmyāraṇyajalodbhavarāśiṣu vidyācca tacchīlān

In a two-bodied ⟨dual⟩ sign, ⟨he is⟩ endowed with liberality, grateful, energetic, of varied activity. And in the village-born, forest-born and water-born signs one should know ⟨the native's⟩ character to be after their kind.

क्षेत्राधिपसन्दृष्टे शशिनि नृपस्तत्सुहृद्भिरपि धनवान् । द्रेष्काणांशकपैर्वा प्रायः सौम्यैः शुभं नाऽन्यैः

kṣetrādhipasandṛṣṭe śaśini nṛpastatsuhṛdbhirapi dhanavān | dreṣkāṇāṃśakapairvā prāyaḥ saumyaiḥ śubhaṃ nā'nyaiḥ

When the Moon is aspected by the lord of its sign, ⟨the native is⟩ a king; when ⟨aspected⟩ by that lord's friends also, wealthy; or ⟨so too when aspected⟩ by the lords of its drekkāṇa and its aṃśaka. Generally, ⟨the result is⟩ auspicious with benefics, never with others.

पुष्णन्ति शुभा भावान्मूर्त्यादीन् घ्नन्ति संस्थिताः पापाः । सौम्याः षष्ठेऽरिघ्नाः सर्वेऽरिष्टा व्ययाष्टमगाः

puṣṇanti śubhā bhāvānmūrtyādīn ghnanti saṃsthitāḥ pāpāḥ | saumyāḥ ṣaṣṭhe'righnāḥ sarve'riṣṭā vyayāṣṭamagāḥ

Benefics stationed ⟨in them⟩ nourish the bhāvas beginning with mūrti ⟨the first⟩; malefics destroy them. Benefics in the sixth are slayers of enemies; all ⟨grahas⟩ that occupy the twelfth and the eighth are harmful (ariṣṭa).

कर्कवृषाजोपगते चन्द्रे लग्ने धनी सुरूपश्च । विकलाङ्गजडदरिद्राः शेषेषु विशेषतः कृष्णे

karkavṛṣājopagate candre lagne dhanī surūpaśca | vikalāṅgajaḍadaridrāḥ śeṣeṣu viśeṣataḥ kṛṣṇe

When the Moon occupies Cancer, Taurus or Aries in the lagna, ⟨the native is⟩ wealthy and handsome. In the remaining ⟨signs, natives are⟩ crippled of limb, dull-witted and destitute — especially in the dark ⟨fortnight⟩.

विकलेक्षणोऽर्कलग्ने तैमिरिकोऽजे स्वभे तु रात्र्यन्धः । बुद्बुददृष्टिः कर्किणि काणो व्ययगे शशाङ्के वा

vikalekṣaṇo'rkalagne taimiriko'je svabhe tu rātryandhaḥ | budbudadṛṣṭiḥ karkiṇi kāṇo vyayage śaśāṅke vā

⟨The native is⟩ defective of eye when the Sun is in the lagna: in Aries, afflicted with timira ⟨a darkening of sight⟩; but in his own sign, night-blind; in Cancer, of bubble-⟨like⟩ sight; or one-eyed when the Moon is in the twelfth.

इष्टं पादविवृद्ध्या मित्रस्वगृहत्रिकोणतुङ्गेषु । रिपुभेऽल्पं फलमर्कोपगतस्य पापं शुभं नैव

iṣṭaṃ pādavivṛddhyā mitrasvagṛhatrikoṇatuṅgeṣu | ripubhe'lpaṃ phalamarkopagatasya pāpaṃ śubhaṃ naiva

The desired ⟨result accrues⟩ with an increase of one quarter ⟨at each step⟩ — in a friend's ⟨sign⟩, in its own house, in a trikoṇa, and in exaltation. In an enemy's sign the fruit is small; and for one that has gone to the Sun ⟨and is combust⟩ the fruit is evil, never auspicious.

तस्करभोक्तृविचक्षणधनिनृपतिनपुंसकाऽभयदरिद्राः । खलपापोग्रोत्कृष्टा मेषादीनां नवांशभवाः

taskarabhoktṛvicakṣaṇadhaninṛpatinapuṃsakā'bhayadaridrāḥ | khalapāpogrotkṛṣṭā meṣādīnāṃ navāṃśabhavāḥ

A thief; an enjoyer; a discerning man; a rich man; a king; a eunuch; one free from fear; a pauper; a rogue; an evil man; a fierce man; an eminent man — ⟨such are those⟩ born in the navāṃśas of ⟨the signs⟩ beginning with Aries.

कुलतुल्यकुलाधिकबन्धुमान्यधनिभोगिनृपसमनरेन्द्राः । स्वर्क्षगतैकविवृद्ध्या किञ्चिन्न्यूनाः सुहृद् गृहगैः

kulatulyakulādhikabandhumānyadhanibhoginṛpasamanarendrāḥ | svarkṣagataikavivṛddhyā kiñcinnyūnāḥ suhṛd gṛhagaiḥ

Equal to his family; surpassing his family; honoured among kinsmen; wealthy; enjoying pleasures; the equal of a king; a king ⟨himself⟩ — ⟨these follow⟩ by an increase of one at a time among ⟨grahas⟩ gone to their own signs. ⟨The results are⟩ somewhat less when ⟨they⟩ occupy friends' houses.

त्रिप्रभृतिभिरुच्चस्थैर्नृपवंशभवा भवन्ति राजानः । पञ्चादिभिरन्यकुलोद्भवाश्च तद्वत्त्रिकोणगतैः

triprabhṛtibhiruccasthairnṛpavaṃśabhavā bhavanti rājānaḥ | pañcādibhiranyakulodbhavāśca tadvattrikoṇagataiḥ

With three or more ⟨grahas⟩ exalted, those born in a royal line become kings; with five or more, those born of other families as well — and the same holds for ⟨grahas⟩ gone to trikoṇas.

निर्धनदुःखितमूढव्याधितबन्धाभितप्तवधभाजः । एकोत्तरपरिवृद्ध्या नीचगतैः शत्रुगृहगैर्वा

nirdhanaduḥkhitamūḍhavyādhitabandhābhitaptavadhabhājaḥ | ekottaraparivṛddhyā nīcagataiḥ śatrugṛhagairvā

Penniless; sorrow-stricken; stupid; diseased; in bonds; sorely tormented; and doomed to slaughter — ⟨these follow⟩ by an increase of one at a time among ⟨grahas⟩ gone to debilitation, or occupying enemies' houses.

एकोऽपि नृपतिजन्मप्रदो ग्रहः स्वोच्चगः सुहृद् दृष्टः । बलिभिः केन्द्रोपगतैस्त्रिप्रभृतिभिरवनिपालभवः

eko'pi nṛpatijanmaprado grahaḥ svoccagaḥ suhṛd dṛṣṭaḥ | balibhiḥ kendropagataistriprabhṛtibhiravanipālabhavaḥ

Even a single graha occupying its own exaltation and aspected by a friend bestows birth as a king; and by three or more strong ⟨grahas⟩ placed in kendras there is birth as a ruler of the earth.

वर्गोत्तमगे चन्द्रे चतुराद्यैर्वीक्षिते विलग्ने वा । नृपजन्म भवति राज्यं नृपयोगे बलयुतदशायाम्

vargottamage candre caturādyairvīkṣite vilagne vā | nṛpajanma bhavati rājyaṃ nṛpayoge balayutadaśāyām

When the Moon is in vargottama and aspected by four or more ⟨grahas⟩ — or when the lagna ⟨is so⟩ — there is birth as a king; and in a royal yoga sovereignty ⟨comes⟩ in the daśā of the graha endowed with strength.

उडुपतियोगसमागमभशीलसन्दर्शनानि भावाश्च । आश्रयराज्यप्रभवाश्चाध्यायेऽस्मिन् क्रमेणोक्ताः

uḍupatiyogasamāgamabhaśīlasandarśanāni bhāvāśca | āśrayarājyaprabhavāścādhyāye'smin krameṇoktāḥ

The yogas of the lord of the stars ⟨the Moon⟩, the conjunctions, the character of the signs, the aspects, and the bhāvas; and the arising of the āśraya ⟨yogas⟩ and of royalty — have been stated in order in this chapter.

चरभवनादिषु सर्वैराश्रयजा रज्जुमुसलनलयोगाः । ईर्ष्युर्मानी धनवान् क्रमेण कुलविश्रुताः सर्वे

carabhavanādiṣu sarvairāśrayajā rajjumusalanalayogāḥ | īrṣyurmānī dhanavān krameṇa kulaviśrutāḥ sarve

When all ⟨the grahas stand⟩ in the movable signs and the rest ⟨the fixed and the dual⟩, there arise the yogas born of the base (āśraya): Rajju, Musala and Nala. ⟨Those born under them are,⟩ in order, envious, proud, wealthy; all of them are renowned in their family.

केन्द्रत्रयगैः पापैः शुभैर्दलाख्यावहिश्च माला च । सर्पेऽतिदुःखितानां मालायां जन्म सुखिनां च

kendratrayagaiḥ pāpaiḥ śubhairdalākhyāvahiśca mālā ca | sarpe'tiduḥkhitānāṃ mālāyāṃ janma sukhināṃ ca

By malefics standing in three kendras, and by benefics ⟨so standing⟩, ⟨arise⟩ the two called dala — Ahi ⟨the serpent, i.e. Sarpa⟩ and Mālā ⟨the garland⟩. In Sarpa is the birth of the exceedingly wretched, and in Mālā of the happy.

द्विरनन्तरकेन्द्रस्थैर्गदाविलग्नास्तसंस्थितैः शकटम् । खचतुर्थयोर्विहङ्गः शृङ्गाटकमुदयसुतनवगैः

dviranantarakendrasthairgadāvilagnāstasaṃsthitaiḥ śakaṭam | khacaturthayorvihaṅgaḥ śṛṅgāṭakamudayasutanavagaiḥ

By ⟨all the grahas⟩ standing in two adjacent kendras, Gadā ⟨the mace⟩; by ⟨their⟩ standing in the lagna and the seventh (asta), Śakaṭa ⟨the cart⟩; ⟨by their standing⟩ in the tenth (kha) and the fourth, Vihaṅga ⟨the bird⟩; by ⟨their⟩ occupying the ascendant, the fifth (suta) and the ninth, Śṛṅgāṭaka.

शृङ्गाटकतोऽन्यगतैर्हलमेतेषां क्रमात् फलोपनयः । यज्वा शकटाजीवी दूतश्चिरसौख्यभाक्कृषिकृत्

śṛṅgāṭakato'nyagatairhalameteṣāṃ kramāt phalopanayaḥ | yajvā śakaṭājīvī dūtaścirasaukhyabhākkṛṣikṛt

By ⟨the grahas⟩ gone to trines other than the Śṛṅgāṭaka's, Hala ⟨the plough⟩. The application of the results of these ⟨five⟩ is in order: a performer of sacrifices, one who lives by a cart, a messenger, one who enjoys long-lasting comfort, a tiller of the soil.

क्रूरैः सुखकर्मस्थैः सौम्यैरुदयास्तसंस्थितैर्वज्रम् । यव इति तद्विपरीतैर्मिश्रैः कमलं च्युतैर्वापी

krūraiḥ sukhakarmasthaiḥ saumyairudayāstasaṃsthitairvajram | yava iti tadviparītairmiśraiḥ kamalaṃ cyutairvāpī

With malefics standing in the fourth (sukha) and the tenth (karma) and benefics placed in the ascendant and the seventh (asta), Vajra ⟨the thunderbolt⟩; the reverse of that is Yava ⟨the barley-corn⟩. By ⟨them⟩ mixed ⟨in the kendras⟩, Kamala ⟨the lotus⟩; by ⟨them⟩ fallen away ⟨from the kendras⟩, Vāpī ⟨the tank⟩.

लग्नादिकण्टकेभ्यश्चतुर्गृहावस्थितैर्ग्रहैर्योगाः । यूपेषुशक्तिदण्डा वज्रादीनां फलान्यस्मात्

lagnādikaṇṭakebhyaścaturgṛhāvasthitairgrahairyogāḥ | yūpeṣuśaktidaṇḍā vajrādīnāṃ phalānyasmāt

By grahas placed in four ⟨successive⟩ houses ⟨counted⟩ from the kendras (kaṇṭaka) beginning with the lagna, ⟨arise⟩ the yogas Yūpa ⟨the sacrificial post⟩, Iṣu ⟨the arrow⟩, Śakti ⟨the spear⟩ and Daṇḍa ⟨the staff⟩. The results of Vajra and the rest ⟨follow⟩ from this ⟨point⟩.

आद्यन्तयोः सुखयुतः सुखभाङ्मध्ये धनान्वितोऽल्पसुखः । त्यागी हिंस्रो धनवर्जितः पुमान् प्रियैर्वियुक्तश्च

ādyantayoḥ sukhayutaḥ sukhabhāṅmadhye dhanānvito'lpasukhaḥ | tyāgī hiṃsro dhanavarjitaḥ pumān priyairviyuktaśca

⟨In Vajra one is⟩ happy at the beginning and the end ⟨of life⟩; ⟨in Yava⟩ he enjoys happiness in the middle; ⟨in Kamala⟩ possessed of wealth; ⟨in Vāpī⟩ of little happiness; ⟨in Yūpa⟩ a renouncer; ⟨in Iṣu⟩ violent; ⟨in Śakti⟩ stripped of wealth; and ⟨in Daṇḍa⟩ a man cut off from those dear to him.

तद्वत् सप्तभसंस्थैर्नौकूटच्छत्रकार्मुकाणि स्युः । नावाद्यैरप्येवं कण्टकान्यस्थैः स्मृतोऽर्धशशी

tadvat saptabhasaṃsthairnaukūṭacchatrakārmukāṇi syuḥ | nāvādyairapyevaṃ kaṇṭakānyasthaiḥ smṛto'rdhaśaśī

Likewise, by ⟨all the grahas⟩ standing in seven ⟨consecutive⟩ signs, Naukā ⟨the boat⟩, Kūṭa ⟨the peak⟩, Chatra ⟨the parasol⟩ and Kārmuka ⟨the bow⟩ come about. And in the same manner as Naukā and the rest, but by ⟨grahas⟩ standing ⟨in seven signs beginning⟩ from a house other than a kendra (kaṇṭaka), Ardhaśaśī ⟨the half-moon⟩ is declared.

एकान्तरैर्विलग्नात् षड्-भवनावस्थितैर्ग्रहैश्चक्रम् । अर्थाच्च तद्वदुदधिर्नौप्रभृतिफलान्यथो क्रमशः

ekāntarairvilagnāt ṣaḍ-bhavanāvasthitairgrahaiścakram | arthācca tadvadudadhirnauprabhṛtiphalānyatho kramaśaḥ

By grahas placed at alternate intervals in six houses ⟨counted⟩ from the ascendant, Cakra ⟨the wheel⟩; and likewise from the second (artha), Udadhi ⟨the ocean⟩. And now, in order, the results ⟨of the yogas⟩ beginning with Naukā.

कीर्त्या युक्तोऽनृतवाक् स्वजनहितः शूरसुभगधनिभूपाः । इत्याकृतिजा योगा विंशतिरात्मगुणैस्तेषु नन्दन्ते

kīrtyā yukto'nṛtavāk svajanahitaḥ śūrasubhagadhanibhūpāḥ | ityākṛtijā yogā viṃśatirātmaguṇaisteṣu nandante

⟨In Naukā one is⟩ joined with fame; ⟨in Kūṭa⟩ a speaker of untruth; ⟨in Chatra⟩ devoted to the good of his own people; ⟨and in the rest⟩ brave, fortunate, wealthy, kings. Thus the yogas born of shape (ākṛti) are twenty; in them ⟨men⟩ rejoice through their own qualities.

एकादिगृहोपगतैरुक्तान् योगान् विहाय सङ्ख्याने । गोल-युग-शूल-केदार पाश-दामाख्य-वीणाः स्युः

ekādigṛhopagatairuktān yogān vihāya saṅkhyāne | gola-yuga-śūla-kedāra pāśa-dāmākhya-vīṇāḥ syuḥ

By ⟨the grahas⟩ come to one house, ⟨two,⟩ and so on — setting aside the yogas already stated — there are, in the ⟨class⟩ of number ⟨saṅkhyā⟩, those named Gola, Yuga, Śūla, Kedāra, Pāśa, Dāma and Vīṇā.

दुःखितदरिद्रघातककृषिकरदुःशीलपशुपतिनिपुणानाम् । जन्म क्रमेण सुखिनः परभाग्यैस्सर्व एवैते

duḥkhitadaridraghātakakṛṣikaraduḥśīlapaśupatinipuṇānām | janma krameṇa sukhinaḥ parabhāgyaissarva evaite

The birth ⟨in these is⟩, in order, of the miserable, the poor, a killer, a tiller of the soil, one of vile conduct, a lord of cattle, and one who is skilled. All these alike are made happy by the fortunes of others.

स्त्रीपुंसोर्जन्मफलं तुल्यं किन्त्वत्र लग्नचन्द्रस्थम् । तद्बलयोगाद्वपुराकृतिश्च सौभाग्यमस्तमयात्

strīpuṃsorjanmaphalaṃ tulyaṃ kintvatra lagnacandrastham | tadbalayogādvapurākṛtiśca saubhāgyamastamayāt

The fruit of birth is the same for woman and man; but here ⟨in a woman's nativity one must examine⟩ what stands in the lagna and with the Moon. From the strength and the conjunction of those two ⟨come⟩ the body and the form; and good fortune ⟨is read⟩ from the setting place, the seventh house.

युग्मर्क्षे लग्नेन्द्वोः प्रकृतिस्था रूपशीलगुणयुक्ता । ओजे पुरुषाकारा दुःशीला दुःखिता चैव

yugmarkṣe lagnendvoḥ prakṛtisthā rūpaśīlaguṇayuktā | oje puruṣākārā duḥśīlā duḥkhitā caiva

When the lagna and the Moon are in an even sign, ⟨the woman is⟩ true to her own nature (prakṛti-sthā), endowed with beauty, good conduct and good qualities. In an odd sign ⟨she is⟩ of masculine form, ill-conducted, and miserable as well.

अबले सप्तमभवने सौम्येक्षणवर्जिते च कापुरुषः । भवति पतिश्चरभेऽस्ते प्रवासशीलो भवेद् भ्रान्ती

abale saptamabhavane saumyekṣaṇavarjite ca kāpuruṣaḥ | bhavati patiścarabhe'ste pravāsaśīlo bhaved bhrāntī

When the seventh house is weak and devoid of benefic aspect, the husband is a base man (kāpuruṣa). When the setting place — the seventh — is a movable sign, the husband is given to living abroad and is a wanderer.

बाल्ये विधवा भौमे पतिसन्त्यक्ता दिवाकरेऽस्तस्थे । सौरे पापैर्दृष्टे कन्यैव जारं समुपयाति

bālye vidhavā bhaume patisantyaktā divākare'stasthe | saure pāpairdṛṣṭe kanyaiva jāraṃ samupayāti

With Mars in the setting place ⟨she becomes⟩ a widow in childhood; with the Sun standing there, forsaken by her husband; with Saturn ⟨there⟩ aspected by malefics, she goes to a paramour while still a maiden.

सितकुजजीवेन्दुसुतैर्बलिभिर्लग्ने समश्च यदि राशिः । स्त्री ब्रह्मवादिनी स्यात् सुशास्त्रकुशला प्रतीता सा

sitakujajīvendusutairbalibhirlagne samaśca yadi rāśiḥ | strī brahmavādinī syāt suśāstrakuśalā pratītā sā

If Venus, Mars, Jupiter and Mercury are strong in the lagna and the sign is even, the woman becomes a brahmavādinī ⟨an expounder of sacred lore⟩, skilled in the good śāstras and renowned.

पुञ्जन्मफलं यद्यन्न घटति वनितासु पतिषु तत्तासाम् । वक्तव्यं राज्याद्यं वृषणविनाशादि वा पापम्

puñjanmaphalaṃ yadyanna ghaṭati vanitāsu patiṣu tattāsām | vaktavyaṃ rājyādyaṃ vṛṣaṇavināśādi vā pāpam

Whatever fruit of a male birth does not fit in the case of women — royalty and the like, or an evil such as the destruction of the testicles — is to be declared of their husbands.

सूर्यादिभिर्निधनगैर्हुतवहसलिलायुधज्वरामयजः । क्षुत्तृट्कृतश्च मृत्युः परदेशे नैधने चरभे

sūryādibhirnidhanagairhutavahasalilāyudhajvarāmayajaḥ | kṣuttṛṭkṛtaśca mṛtyuḥ paradeśe naidhane carabhe

With the Sun and the rest standing in the 8th house (nidhana), death is born ⟨respectively⟩ of fire, water, weapon, fever and disease, and is caused by hunger and thirst. ⟨And death comes⟩ in a foreign land when the 8th house is a movable sign.

यो वा निधनं पश्यति बलवांस्तद्धातुकोपजो मृत्युः । लग्नात् त्र्यंशपतिर्वा द्वाविंशः कारणं मृत्योः

yo vā nidhanaṃ paśyati balavāṃstaddhātukopajo mṛtyuḥ | lagnāt tryaṃśapatirvā dvāviṃśaḥ kāraṇaṃ mṛtyoḥ

Or ⟨take⟩ whichever strong ⟨graha⟩ aspects the 8th house: death arises from the derangement of that ⟨graha's⟩ dhātu ⟨bodily humour⟩. Or the lord of the twenty-second tryaṃśa ⟨drekkāṇa⟩ from the lagna is the cause of death.

सुरपितृतिर्यङ्नरकान् गुरुरिन्दुसितावसृग्रवी ज्ञयमौ । रिपुरन्ध्रत्र्यंशकपा नयन्ति चाऽस्तारिनिधनस्थाः

surapitṛtiryaṅnarakān gururindusitāvasṛgravī jñayamau | ripurandhratryaṃśakapā nayanti cā'stārinidhanasthāḥ

Jupiter ⟨leads one⟩ to the gods, the Moon and Venus to the ancestors (pitṛs), Mars (asṛk, 'blood') and the Sun to animal birth, and Mercury (jña) and Saturn (yama) to the hells: ⟨these,⟩ as lords of the tryaṃśas ⟨drekkāṇas⟩ of the 6th (ripu) and the 8th (randhra), lead ⟨him there⟩ when they stand in the 7th (asta), the 6th (ari) or the 8th (nidhana).

षष्ठाष्टमकण्टकगो गुरुरुच्चो भवति मीनलग्ने वा । शेषैरबलैर्जन्मनि मरणे वा मोक्षगतिमाहुः

ṣaṣṭhāṣṭamakaṇṭakago gururucco bhavati mīnalagne vā | śeṣairabalairjanmani maraṇe vā mokṣagatimāhuḥ

⟨When⟩ Jupiter, occupying the 6th, the 8th or a kaṇṭaka ⟨kendra⟩, is exalted, or ⟨stands⟩ in a Mīna ⟨Pisces⟩ lagna, and the remaining ⟨grahas⟩ are weak — at birth (janma) or at death (maraṇa) — ⟨then⟩ they declare the going to mokṣa ⟨final liberation⟩.

गुरुरुडुपतिशुक्रौ सूर्यभौमौ यमज्ञौ विबुधपितृतिरश्चो नारकीयांश्च कुर्युः । दिनकरशशिवीर्याऽधिष्ठितत्र्यंशनाथाः प्रवरसमनिकृष्टास्तुङ्गह्रासादनूके

gururuḍupatiśukrau sūryabhaumau yamajñau vibudhapitṛtiraśco nārakīyāṃśca kuryuḥ | dinakaraśaśivīryā'dhiṣṭhitatryaṃśanāthāḥ pravarasamanikṛṣṭāstuṅgahrāsādanūke

Jupiter; the Moon and Venus; the Sun and Mars; Saturn (yama) and Mercury (jña) — ⟨these⟩ would make ⟨the native⟩ a god, an ancestor, an animal, or a dweller in hell: ⟨namely, as⟩ the lords of the tryaṃśa ⟨drekkāṇa⟩ occupied by the strength of the Sun and the Moon; and his rank in the existence he CAME FROM (anūka) was superior, middling or inferior according to the falling-off from exaltation.

गोसिंहौ जितुमाष्टमौ क्रियतुले कन्यामृगौ च क्रमात् संवर्ग्या दशकाष्टसप्तविषयैः शेषाः स्वसङ्ख्यागुणाः । जीवारास्फुजिदैन्दवाः प्रथमवच्छेषा ग्रहाः सौम्यवद्राशीनां नियतो विधिर्ग्रहयुतैः कार्या च तद्वर्गणा

gosiṃhau jitumāṣṭamau kriyatule kanyāmṛgau ca kramāt saṃvargyā daśakāṣṭasaptaviṣayaiḥ śeṣāḥ svasaṅkhyāguṇāḥ | jīvārāsphujidaindavāḥ prathamavaccheṣā grahāḥ saumyavadrāśīnāṃ niyato vidhirgrahayutaiḥ kāryā ca tadvargaṇā

Taurus and Leo, Gemini (jituma) and the eighth ⟨sign, Scorpio⟩, Aries (kriya) and Libra, Virgo and Capricorn (mṛga) — in that order — are to be multiplied by ten, eight, seven and five; the remaining ⟨signs⟩ have their own serial number as multiplier. Jupiter, Mars, Venus and the Moon ⟨are reckoned⟩ as in the first ⟨series⟩, and the remaining grahas as Saumya (Mercury). The rule for the signs is fixed, and that multiplying is to be done with the grahas joined ⟨to them⟩.

सप्ताहतं त्रिघनभाजितशेषमृक्षं दत्त्वाऽथवा नव विशोध्य नवाऽथवा स्यात् । एवं कलत्रसहजात्मजशत्रुभेभ्यः प्रष्टुर्वदेदुदयराशिवशेन तेषाम्

saptāhataṃ trighanabhājitaśeṣamṛkṣaṃ dattvā'thavā nava viśodhya navā'thavā syāt | evaṃ kalatrasahajātmajaśatrubhebhyaḥ praṣṭurvadedudayarāśivaśena teṣām

⟨The figure⟩ multiplied by seven and divided by the cube of three ⟨twenty-seven⟩ — the remainder is the asterism; or else it may be had by adding nine, or by subtracting nine. In this way, from the signs of wife ⟨the 7th⟩, co-born ⟨the 3rd⟩, son ⟨the 5th⟩ and enemy ⟨the 6th⟩, one should declare these for the querent by force of their rising sign.

वर्षर्तुमासतिथयो द्युनिशं ह्युडूनि वेलोदयर्क्षनवभागविकल्पनाः स्युः । भूयो दशादिगुणिताः स्वविकल्पभक्ता वर्षादयो नवकदानविशोधनाभ्याम्

varṣartumāsatithayo dyuniśaṃ hyuḍūni velodayarkṣanavabhāgavikalpanāḥ syuḥ | bhūyo daśādiguṇitāḥ svavikalpabhaktā varṣādayo navakadānaviśodhanābhyām

Year, ṛtu ⟨season⟩, month and tithi; day and night; the asterisms; and the determinations of the hour (velā), the rising sign and the navāṃśa (navabhāga) — ⟨these are what is to be found⟩. Again, multiplied by ten and the rest and divided by ⟨the number of⟩ their own alternatives, the year and the rest ⟨come out⟩ by the adding and the subtracting of a nine.

विज्ञेया दशकेष्वब्दा ऋतुमासास्तथैव च । अष्टकेष्वपि मासार्धं तिथयश्च तथा स्मृताः

vijñeyā daśakeṣvabdā ṛtumāsāstathaiva ca | aṣṭakeṣvapi māsārdhaṃ tithayaśca tathā smṛtāḥ

In the tens the years are to be known, and the ṛtus and the months likewise; in the eights too the half-month ⟨the fortnight⟩ and the tithis are declared in the same way.

दिवारात्रिप्रसूतिं च नक्षत्रानयनं तथा । सप्तसङ्ख्येऽपि वर्गे तु नित्यमेवोपलक्षयेत्

divārātriprasūtiṃ ca nakṣatrānayanaṃ tathā | saptasaṅkhye'pi varge tu nityamevopalakṣayet

Birth by day or by night, and likewise the finding of the nakṣatra — in the group numbered seven these are always to be observed.

वेलामथ विलग्नं च होरामंशकमेव च । पञ्चकेषु विजानीयान्नष्टजातकसिद्धये

velāmatha vilagnaṃ ca horāmaṃśakameva ca | pañcakeṣu vijānīyānnaṣṭajātakasiddhaye

The hour (velā), then the ascendant (vilagna), the horā and the aṃśaka ⟨navāṃśa⟩ — these one should know in the fives, for the accomplishing of the lost nativity (naṣṭa-jātaka).